సలార్-2 కి సంబంధించిన డైలాగ్‌ ప్రోమోను రిలీజ్ చేసింది.. శౌర్యాంగపర్వంలో ఎలాంటి అంశాలు ఉండొచ్చనే విషయాలపై హింట్‌ ఇస్తూ ఒక వీడియోను కాసేపటి క్రితం విడుదల చేసింది. అందులో ‘ ఒక పక్క ఆ కుర్చీ కోసం మొత్తం ఖాన్సర్‌ యుద్ధం చేయడానికి సిద్ధమైంది. ఇంకో పక్క వేలమంది శౌర్యాంగులు ఆ కుర్చీని తగలబెట్టేందుకు సిద్ధమయ్యారు. కానీ దేవా.. అదే కుర్చీని వరదా కు ఇస్తానని మాటిచ్చాడు. కానీ.. దాని మీద కూర్చునే హక్కు దేవాది.’ అంటూ సాగిన డైలాగ్‌ ప్రోమో అదిరిపోయింది. ఖాన్సర్‌ కుర్చీ మీద దేవా కూర్చుంటాడా.. లేక ఇచ్చిన మాట కోసం వరదా వెనుక నిలబడతాడా..అనే సందేహంతో పార్ట్2 పై ఈ ప్రోమో మరింత ఆసక్తిని పెంచేసింది. 34 సెకండ్ల నిడివితో ఉన్న ఈ ప్రోమో ఇప్పుడు సోషల్ మీడియా లో బాగా వైరల్‌గా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి