ఆ సమయంలోనే బ్రహ్మానందంకు పెళ్లి చేయాలని ఇంట్లో వారు భావించారు. అలా పెళ్లి చేస్తే వచ్చే కట్నం తమకు పనికొస్తుందని ఇంట్లో వారు భావించారంట. కానీ బ్రహ్మానందం చదవుకు సాయం చేసిన అనసూయమ్మ ఓ అమ్మాయిని తీసుకొచ్చి పెళ్లి చేసుకోమని చెప్పింది. ఆమె పేరు లక్ష్మీ. అయితే లక్ష్మీ కాపు కులానికి చెందిన అమ్మాయి. కానీ బ్రహ్మానందం మాత్రం విశ్వ బ్రాహ్మణ కులానికి చెందిన వారు. కాబట్టి ఇంట్లో వారు ఒప్పుకోలేదు. కానీ బ్రహ్మానందం మాత్రం చేసుకుంటే ఆ అమ్మాయినే చేసుకుంటాను లేదంటే జీవితాంతం బ్రహ్మాచారిగానే ఉండిపోతాను అని తెలిపారంట.ఎందుకంటే తొలిచూపులోనే బ్రహ్మానందంకు లక్ష్మీ బాగా నచ్చేసింది. దాంతో ఇంట్లో వారు చేసేది లేక వారిద్దరికీ పెళ్లి చేశారు. ఆ తర్వాత బ్రహ్మానందం లెక్చరర్ గా జాబ్ చేస్తూనే ఇటు సినిమాల్లో కూడా ప్రయత్నాలు చేశారు. ఒక్కో మెట్టు ఎక్కుతూ నేడు కామెడీ లెజెండ్ అనిపించుకునే స్థాయికి ఎదిగారు.ఈ రోజు బ్రహ్మానందం ఈ స్థాయిలో ఉన్నారంటే దాని వెనకాల లక్ష్మీ గారు ఉన్నారని మాత్రం కచ్చితంగా అంటారు బ్రహ్మానందం. ఆయన కామెడీతో కోట్లాది మంది ప్రేక్షకులను నవ్విస్తూనే ఉన్నారు బ్రహ్మానందం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి