మరోవైపు అందుతున్న సమాచారం ప్రకారం శ్రీ లీల నటన నుండి విరామం తీసుకోవాలని ఆలోచిస్తున్నట్లు తెలుస్తోంది. అయితే ఇందుకు ప్రధాన కారణం ఆమె చదువు అని సమాచారం.అసలు విషయంలోకి వెళితే శ్రీ లీల డాక్టర్ మరియు యాక్టర్ అవ్వాలని రెండు ఆశయాలతో రంగంలోకి దిగింది. ఇక తన నటన వృత్తిని తన వైద్య విద్యతో సమతుల్యం చేసుకోవాలనుకుంది. నివేదికల ప్రకారం శ్రీలీల ఎంబిబిఎస్ చివరి సంవత్సరం చదువుతోంది. షూటింగులు లేని సమయంలో ఎంబిబిఎస్ కి సంబంధించిన అంశాలను అధ్యయనం చేస్తూ.. ఒకవైపు సినీ కెరియర్ను.. ఒకవైపు వైద్య విద్యను బ్యాలెన్స్ చేసుకుంటానని వివరించింది. అంతేకాదు ఖాళీ సమయాలలో ఆసుపత్రిని సందర్శించి పనిచేస్తూ ఆచరణాత్మక అనుభవాన్ని పొందుతానని కూడా వెల్లడించింది.
అయితే అలాంటి ఈమె ఒకవైపు నటన వృత్తిలో సరైన సక్సెస్ అందుకోలేకపోతోంది.. ఇదే సమయంలో చదువును కూడా అశ్రద్ధ చేస్తే.. ఇటు వైద్యవృత్తి కూడా చేపట్టలేని పరిస్థితి నెలకొంటుంది.. అందుకే ప్రస్తుతం సినిమాలను పక్కనపెట్టి ఎంబిబిఎస్ పై దృష్టి సారించడానికి సినీ పరిశ్రమకు దూరం కాబోతోందని సమాచారం.ఇందులో ఎంత నిజం ఉందో తెలియదు కానీ ఈ వార్తలైతే సోషల్ మీడియాలో వైరల్ గా మారుతున్నాయి. మరొకవైపు విజయ్ దేవరకొండ 12వ చిత్రానికి శ్రీ లీల గ్రీన్ సిగ్నల్ ఇచ్చిన విషయం తెలిసిందే. ఒకవేళ ఈ సినిమాలో ఈమె నటిస్తున్నట్లు అధికారికంగా వెళ్లడైతే ఇక సినిమా ఇండస్ట్రీకి దూరం కాదు లేకపోతే ఇండస్ట్రీకి దూరమవుతుందనే వార్తలకు బలం చేకూరుతుంది. మరి పూర్తి వివరాలు తెలియాలి అంటే దేవరకొండ మూవీ నుంచి అప్డేట్ రావాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి