ఒకప్పుడు సౌత్ ఇండస్ట్రీ అంటేనే చులకనగా చూసిన బాలీవుడ్ స్టార్లు ఇక ఇప్పుడు సౌత్ మూవీలలో ఒక చిన్న పాత్ర దొరికిన చాలు అని అనుకుంటూ ఉన్నారు. ఈ కాలంలోనే అక్కడి స్టార్ హీరోలు ఇక్కడి సినిమాలలో క్యారెక్టర్ ఆర్టిస్టులుగా కూడా నటిస్తూ ఉండడం చూస్తూ ఉన్నాం. అయితే అటు స్టార్ హీరోయిన్లు కూడా సౌత్ లో ఎంతో మంది హీరోల సరసన నటిస్తూ ఉన్నారు. ఇక బాలీవుడ్ ముద్దుగుమ్మ జాన్వి కపూర్ సైతం ఇక ఇప్పుడు టాలీవుడ్ లో ఎంట్రీ ఇచ్చేందుకు సిద్ధమవుతుంది. ఎన్టీఆర్ హీరోగా నటిస్తున్న దేవర సినిమాలో నటిస్తుంది ఈ సొగసరి. అయితే ఇక తాను సౌత్ లో నటిస్తున్న మొదటి సినిమా విడుదల కానేలేదు అంతలోనే మరిన్ని అవకాశాలను దక్కించుకుంటుంది ఈ హీరోయిన్.
కోలీవుడ్ స్టార్ హీరో సూర్య ప్రధాన పాత్రలో రాబోతున్న పాన్ ఇండియా సినిమా కర్ణాలో కూడా జాన్వి కపూర్ హీరోయిన్ గా ఎంపికైనట్లు వార్తలు వస్తున్నాయి. రాకేష్ ఓం ప్రకాష్ దర్శకత్వంలో మహాభారతం ఆధారంగా ఈ సినిమా రూపొందుతూ ఉంది. అయితే ఇందులో సూర్య కర్ణుడి పాత్రలో కనిపించబోతున్నాడట. అయితే సినిమాపై భారీ రేంజ్ లోనే అంచనాలు ఉన్నాయి అని చెప్పాలి. ఇకపోతే దీనిపై అధికారిక ప్రకటన రావాల్సి ఉంది. కాగా జాన్వి కపూర్ కి సౌత్ లో ఒక్క సినిమా కూడా రిలీజ్ అవ్వకముందే వరుస అవకాశాలు వస్తు ఉండటం చూసి ఫ్యాన్స్ సైతం షాక్ అవుతున్నారు.