![](https://www.indiaherald.com/cdn-cgi/image/width=750/imagestore/images/movies/movies_latestnews/bigboss71de833f-4c76-4a49-8a66-517ae6dd9adf-415x250.jpg)
చాలామంది ఇలా బిగ్ బాస్ కార్యక్రమాల ద్వారా మంచి ఆఫర్లు దక్కించుకుంటూ కెరియర్ ను నిలబెట్టుకోగలిగితే ఇంకొంతమంది మాత్రం.. తమ పర్సనల్ లైఫ్ ని సైతం రిస్క్ లో పడేసుకుంటూ ఉంటారు అని చెప్పాలి. ఇక్కడ ఒక బిగ్ బాస్ మాజీ కంటెస్టెంట్ కూడా ఇలాంటి వ్యాఖ్యలు చేయడం సంచలనంగా మారిపోయింది. ఈ షోలోకి వెళ్లడం కారణంగా నాకు కాపురం కూలిపోయింది అంటూ షాకింగ్ కామెంట్స్ చేసింది ఒక నటి. ఆమె ఎవరో కాదు మలయాళ బ్యూటీ ఆర్య. ఆమె బుల్లితెర ధారావాహికల్లో నటిస్తూ మంచి గుర్తింపును సంపాదించుకుంది.
ఇక ఆ తర్వాత సినిమాల్లో కూడా అవకాశాలు రావడం మొదలయ్యాయి. ఇక సినిమాలోను మంచి పాత్రలో నటిస్తూ ప్రేక్షకులను ఆకట్టుకుంటుంది. అయితే ఇటీవల ఒక ఇంటర్వ్యూలో పాల్గొంది ఆర్య. ఈ క్రమంలోనే తన భర్తతో విడిపోవడానికి గల కారణాలు ఏంటి అనే విషయ పై ఓపెన్ అయింది. నా భర్త నన్ను వదిలించుకోవడానికి బిగ్ బాస్ హౌస్ కి వెళ్ళమని ఫోర్స్ చేశాడు నేను బిగ్ బాస్ కి వెళ్లడానికి సపోర్ట్ ఇచ్చాడు అనుకున్నాను. అయితే చాలా రోజుల తర్వాత నేను బిగ్ బాస్ నుంచి తిరిగి వచ్చాను కానీ అతను అడ్రస్ లేడు. అతని కోసం ఎంత వెతికిన ఫలితం లేదు. తర్వాత నా సోదరికి కాల్ చేస్తే అప్పుడు తెలిసింది అతను వేరే అమ్మాయితో సంబంధం పెట్టుకుని దుబాయిలో ఉన్నాడని. కానీ నేను కోవిడ్ కారణంగా అక్కడికి వెళ్ళలేకపోయామని తెలిపింది. ఇలా నన్ను బిగ్ బాస్ లోకి పంపి అతను ప్రియురాలితో పారిపోయాడు. అలా నా భర్తతో విడిపోవాల్సి వచ్చింది అంటూ నటి ఆర్య చెప్పుకొచ్చింది.