గ్లింప్స్ లో గోపీచంద్ లుక్ గూస్ బంప్స్ వచ్చేలా ఉండగా చేతన్ భరద్వాజ్ బీజీఎంతో అదరగొట్టారు. రంజాన్ పండుగ సందర్భంగా రిలీజైన ఈ గ్లింప్స్ కు అదిరిపోయే రెస్పాన్స్ వస్తోంది. హై-వోల్టేజ్ యాక్షన్ ఎంటర్‌టైనర్ గా ఈ సినిమా తెరకెక్కుతుండగా చిత్రాలయం స్టూడియోస్‌ పై వేణు దోనేపూడి, పీపుల్ మీడియా ఫ్యాక్టరీపై టిజి విశ్వ ప్రసాద్ సంయుక్తంగా ఈ సినిమాను నిర్మిస్తుండటం గమనార్హం.
"దానే దానే పే లిఖా, ఖానే వాలే కా నామ్... ఇస్పే లిఖా మేరే నామ్" అంటూ గోపీచంద్ చెప్పిన డైలాగ్ ఆకట్టుకుంది. శ్రీనువైట్ల ఫుల్ ఫామ్ లోకి వచ్చారని ఆయనకు ఈ సినిమాతో పూర్వ వైభవం వస్తుందని ఫ్యాన్స్ కామెంట్లు చేస్తున్నారు. గోపీచంద్ ఈ సినిమాలో నెగిటివ్ షేడ్స్ ఉన్న పాత్రలో కనిపించనున్నారని గ్లింప్స్ తో అర్థమవుతోంది. గోపీచంద్ గ్లింప్స్ లో స్టైలిష్ గా కనిపించారు.
కేవీ గుహన్ ఈ సినిమాకు సినిమాటోగ్రాఫర్ గా పని చేస్తుండగా ప్రతి ఫ్రేమ్ రిచ్ గా ఉంది. గోపీమోహన్ ఈ సినిమాకు స్క్రీన్ ప్లే అందించారు. ఈ సినిమాలో శ్రీను వైట్ల మార్క్ ఎంటర్టైన్మెంట్ కు కూడా ఢోకా ఉండదని సమాచారం అందుతోంది. త్వరలో ఈ సినిమాకు సంబంధించి మరిన్ని క్రేజీ అప్ డేట్స్ రానుండగా హీరోయిన్ ఎవరనే వివరాలు తెలియాల్సి ఉంది. ఈ సినిమా టైటిల్ విషయంలో గోపీచంద్ మరోమారు సున్నా సెంటిమెంట్ ఫాలో అవుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి