ప్రస్తుతం తెలుగు సినీ పరిశ్రమలో వరుస విజయాలతో ఫుల్ జోష్ లో కెరీర్ ను ముందుకు సాగిస్తున్న యువ నటులలో సుహస్ ఒకరు. ఈయన కలర్ ఫోటో మూవీ తో హీరోగా నటించి ప్రేక్షకులను ఎంతగానో ఆకట్టుకున్నాడు. ఆ తర్వాత రైటర్ పద్మభూషణ్ అనే మూవీ లో హీరో గా నటించి బాక్స్ ఆఫీస్ దగ్గర సూపర్ సక్సెస్ ను అందుకున్నాడు. ఇకపోతే తాజాగా ఈయన అంబాజీపేట మ్యారేజ్ బ్యాండ్ అనే మూవీ తో ప్రేక్షకుల ముందుకు వచ్చాడు.

మంచి అంచనాల నడుమ విడుదల అయిన ఈ సినిమా కూడా బాక్స్ ఆఫీస్ దగ్గర విజయాన్ని అందుకుంది. ఇలా వరుస విజయాలతో ఫుల్ జోష్ లో కెరీర్ ను ముందుకు సాగిస్తున్న ఈ యువ నటుడు తాజాగా ప్రసన్న వదనం అనే సినిమాలో హీరోగా నటించాడు. ఈ మూవీ ని మే 3 వ తేదీన థియేటర్ లలో విడుదల చేయనున్నారు. ఈ సినిమా విడుదల తేదీ దగ్గర పడడంతో నిన్న ఈ మూవీ యూనిట్ ఈ సినిమాకు సంబంధించిన ట్రైలర్ ను విడుదల చేసింది. ఈ ట్రైలర్ లాంచ్ ఈవెంట్ కి డైరెక్టర్ సుకుమార్ ముఖ్య అతిథిగా విచ్చేశారు. ఇకపోతే ఈ ఈవెంట్ లో బాగంగా సుకుమార్ మాట్లాడుతూ ...  పుష్ప లో మొదట కేశవ పాత్రకు మొదట సుహన్ నే అనుకున్నాం.

కాకపోతే అప్పటికే అతడు హీరోగా చేస్తుండడంతో ఆ పాత్రకి తీసుకోవడం కరెక్ట్ కాదనిపించింది అని సుకుమార్ గారు అన్నారు. ఇక అతడు రాబోయే రోజుల్లో నటుడిగా మరింత ఉన్నత స్థాయికి చేరుకోవడం ఖాయం అని... అలానే తనని చూస్తుంటే ఫ్యూచర్ నాని లా అనిపిస్తుంది అని సుకుమార్ గారు అన్నారు. నాచురల్ స్టార్ నాని మాదిరిగానే సుహాస్ యాక్టింగ్ కూడా ఎంతో నాచురల్ గా ఉంటుందని ఆయన తెలిపారు. ప్రసన్న వదనం ట్రైలర్ తనకు బాగా నచ్చిందని మూవీ యూనిట్ కి తన తరపున బెస్ట్ విషెస్ ను సుకుమార్ తెలిపారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

27/04/2024 12:37 PM