ఇక అల్లు అర్జున్ ప్రస్తుతం పుష్ప2`లో నటిస్తున్నారు. ఇటీవల విడుదలైన గ్లింప్స్ ఊపేసింది. అలాగే `పుష్ప పుష్ప అంటూ సాగే పాట సైతం దుమ్ములేపుతుంది. యూట్యూబ్‌లో ట్రెండింగ్‌లో ఉంది. కానీ పుష్ప`లోని మొదటి పాట అంతటి రీచ్ మాత్రం లేదని తెలుస్తుంది. ఇక సుకుమార్ దర్శకత్వం వహించిన `పుష్ప2 మూవీ శరవేగంగా చిత్రీకరణ జరుపుకుంటోంది. దీన్ని ఆగస్ట్ 15న గ్రాండ్‌గా రిలీజ్‌ చేయబోతున్నారు. ఈ మూవీతో పాన్‌ ఇండియన్‌ మార్కెట్‌ని దాని గ్లోబల్‌ మార్కెట్‌కి రీచ్ కావాలని భావిస్తున్నారు.పుష్ప సినిమా పెద్ద విజయం సాధించడంతో ఈ రెండో పార్ట్ పై భారీ అంచనాలు నెలకొన్నాయి. దీన్ని అంతే భారీ స్థాయిలో రూపొందిస్తున్నారు సుకుమార్. దీంతో సినిమాపై అందరిలోనూ క్యూరియాసిటీ ఉంది. పుష్ప చిత్రం తెలుగులో కంటే నార్త్ లో ఎక్కువగా వెళ్లింది. ఎలాంటి ప్రమోషన్స్ లేకపోయినా బాగా ఆడింది. ఇప్పుడు వారంతా పార్ట్ 2 కోసం చూస్తున్నారు. సినిమా బాగుంటే ఇది రికార్డులు షేక్‌ చేసే మూవీ అవుతుందని చెప్పడంలో అతిశయోక్తి లేదు. ఇక ఇందులో రష్మిక మందన్నా హీరోయిన్ గా నటిస్తుంది. ఫహద్‌ ఫాజిల్‌ నెగటివ్‌ రోల్‌ చేస్తున్నారు. సునీల్‌, అనసూయ కీలక పాత్రల్లో మెరుస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి