ఇక రీసెంట్ గా సాయి తేజ్ తన పేరు కూడా మార్చుకున్నారు. రీసెంట్ గా మహిళా దినోత్సవం సందర్భంగా మార్చి 8న షార్ట్ ఫిల్మ్ సత్య ప్రెస్ మీట్ నిర్వహించారు. ఈ వేదికగా తన పేరు మార్చుకున్నట్లు సాయి ధరమ్ తేజ్ వెల్లడించాడు. సాయి తేజ్ తన పేరును సాయి దుర్గ తేజ్ అని మార్చుకున్నట్లు తెలిపాడు. తన తల్లి పేరు అయిన 'దుర్గ'ను తన పేరులో యాడ్ చేసుకున్నట్లు వివరించాడు.ఇలా తన తల్లి ఎప్పుడూ తనతోనే ఉన్నట్లు ఉంటుందనే భావనతో ఇలా పేరును యాడ్ చేసుకున్నట్లు సాయి తేజ్ తెలిపాడు. "నా పేరులో మా నాన్న గారి పేరు ఉంది. అలాగే మా అమ్మ గారి పేరు కూడా ఉండాలని ఇలా సాయి దుర్గ తేజ్ అని పెట్టుకున్నాను" అని సాయి తేజ్ చెప్పుకొచ్చాడు. కాగా సాయి తేజ్ వాళ్ల అమ్మ పేరు విజయ దుర్గ అని తెలిసిందే. అయితే సాయి తేజ్ ఇలా పేరు మార్చుకోవడం ఇది రెండోసారి.గతంలో తన స్క్రీన్ నేమ్‌ను ధరమ్ తీసేసి సాయి తేజ్‌గా మార్చుకున్నాడు. కానీ, ఇప్పటికీ చాలా మంది ఈ సుప్రీమ్ హీరోను సాయి ధరమ్ తేజ్ అనే పిలుస్తుంటారు. మరి ఇప్పుడైనా సాయి దుర్గ తేజ్ అని ఎంత మంది పిలుస్తారో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి