అందుకే సోషల్ మీడియాలో వెలుగులోకి వచ్చే వార్తల్లో దేనిని నమ్మాలో దేనిని నమ్మకూడదో కూడా అర్థం కాని పరిస్థితి నెలకొంటూ ఉంటుంది. అయితే ప్రస్తుతం సౌత్ ఇండియాలో స్టార్ హీరోయిన్ గా కొనసాగుతూ ప్రస్తుతం బాలీవుడ్లో సైతం అవకాశాలు దక్కించుకున్న సమంత గురించి గత కొన్ని రోజుల నుంచి ఒక వార్తా సోషల్ మీడియాలో వైరల్ గా మారిపోయింది. ఏకంగా సమంత షారుక్ ఖాన్ మూవీలో అవకాశం దక్కించుకుంది అంటూ సారాంశం ఉన్న వార్త ఇంటర్నెట్లో చక్కర్లు కొడుతూ అందరి దృష్టిని ఆకర్షిస్తుంది. షారుక్ ఖాన్ హీరోగా రాజ్ కుమార్ హిరానీ దర్శకత్వంలో తెరకెక్కుతున్న సినిమాలో సమంత చాన్స్ దక్కించుకున్నట్లు వార్తలు వచ్చాయి.
దీంతో గత కొన్ని రోజుల నుంచి సినిమాలకు దూరంగా ఉంటున్న సమంత ఇక ఎప్పుడు ఒకేసారి ఒక భారీ సినిమాతో ప్రేక్షకులను అలరించబోతుంది అని అనుకున్నారు అభిమానులు. కానీ ఈ వార్తలపై ఇటీవల డైరెక్టర్ రాజ్ కుమార్ హిరానీ సన్నిహితులు స్పందిస్తూ క్లారిటీ ఇచ్చారు. ఇలా రాజ్ కుమార్ హిరాని సినిమాలో సమంత ఛాన్స్ దక్కించుకుంది అంటూ వస్తున్న వార్తలను కొట్టి పారేశారు దర్శకుడి సన్నిహితులు. అసలు షారుక్ సమంతలతో ఇప్పటివరకు చర్చలే జరపలేదు అంటూ స్పష్టం చేశారు. ఇంకా నటీనటుల ఎంపిక జరగనే లేదు అంటూ చెప్పుకొచ్చారు. అదే సమయంలో దేశభక్తి యాక్షన్ డ్రామా నేపథ్యంలో సినిమా తెరకెక్కుతుంది అన్న వార్తలను కూడా కొట్టి పారేసారు దర్శకుడి సన్నిహితులు.