రెబల్ స్టార్ ప్రభాస్ హీరోగా టాలెంటెడ్ డైరెక్టర్ నాగ్ అశ్విన్ తెరకెక్కించిన కల్కి 2898 ఏడీ సినిమా చాలా గ్రాండ్ గా రిలీజ్ అయ్యి బ్లాక్ బస్టర్ టాక్ సొంతం చేసుకుంది.వైజయంతీ మూవీస్ బ్యానర్ పై అశ్వనీదత్ 600 కోట్ల భారీ బడ్జెట్ తో భారీగా నిర్మించిన ఈ సినిమా.. రిలీజ్ కు ముందు నెలకొల్పిన భారీ అంచనాల తగ్గట్లే బ్లాక్ బస్టర్ టాక్ తో దూసుకుపోతోంది. డైరెక్టర్ నాగి టాలెంట్ అదుర్స్ అని అంతా కామెంట్స్ చేస్తున్నారు.ఇక రిలీజ్ కు వారం రోజుల ముందే ఓవర్సీస్ లో కల్కి ప్రీ బుకింగ్స్ స్టార్ట్ అయ్యాయి. ఎన్నడూ లేనంతగా సూపర్ రికార్డులు క్రియేట్ అయ్యాయి. పోటీ పడి మరీ ఓవర్సీస్ ఫ్యాన్స్ టికెట్లని కొనుగోలు చేశారు. దీంతో పెద్ద ఎత్తున కల్కి 2898 ఏడి టికెట్లు అమ్ముడయ్యాయి. కేవలం ఒట్టి ప్రీ సేల్స్ లోనే ఏకంగా 3.8 మిలియన్ క్రాస్ చేసేసింది కల్కి. ఈ మైలురాయిని చేరుకున్న ఫస్ట్ ఇండియన్ మూవీగా సంచలన రికార్డు క్రియేట్ చేసింది.ఇక కల్కి మూవీ మరో ఆల్ టైమ్ హై రికార్డును కూడా సృష్టించింది. నార్త్ అమెరికాలో కల్కి ప్రీమియర్స్ ఏకంగా 3.5 మిలియన్ డాలర్లు వసూలు చేసినట్లు మేకర్స్ తెలిపారు. దీంతో ఇప్పటి దాకా ఉన్న రికార్డులు అన్నీ కూడా బద్దలయ్యాయి. ఆర్ ఆర్ ఆర్, బాహుబలి-2 ప్రీమియర్స్ డే కలెక్షన్లను మించి నార్త్ అమెరికాలో కల్కి సినిమా వసూళ్లు చేసింది. అది కూడా భారీ మార్జిన్ తో ఈ వసూళ్ళని రాబట్టింది. దీంతో కల్కి చాలా రికార్డులు బద్దలు కొడుతూ దూసుకుపోవడం పక్కా. దేశంలో తెలుగు రాష్ట్రాలతోపాటు అన్ని చోట్ల కల్కి సినిమా మంచి రెస్పాన్స్ అందుకుంటోంది. మహాభారతంతో లింక్ చేస్తూ ఇంట్రెస్టింగ్ కాన్సెప్ట్ తో డైరెక్టర్ నాగ్ అశ్విన్ కథను రాసుకున్నారని ఆడియన్స్ చెబుతున్నారు. సినిమాలోని ప్రతి క్యారెక్టర్ కూడా పురాణాల స్ఫూర్తితోనే సాగుతుందని ఆడియన్స్ అంటున్నారు. కాంప్లెక్స్, శంభాలా వరల్డ్స్ గ్రాఫిక్స్ అదిరిపోయాయని కామెంట్లు చేస్తున్నారు. అలాగే మ్యూజిక్ డైరెక్టర్ సంతోష్ నారాయణ్ బ్యాక్ గ్రౌండ్ బాగుందని అంటున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Kalki 2898 AD

Purushottham Vinay

27/06/2024 04:28 PM