పాన్ ఇండియా స్టార్ ప్రభాస్ నటించిన సైన్స్ ఫిక్షన్ కల్కి మూవీ విడుదలై సంచలనం సృష్టిస్తోంది. హాలీవుజ్ రేంజ్లో సైన్స్‌కు మైథాలజీని ముడిపెట్టి దర్శకుడు నాగ్ అశ్విన్‌ తెరకెక్కించిన ఈ చిత్రం విమర్శకుల ప్రశంసలను కూడా అందుకుంటోంది. ప్రభాస్‌తో పాటు ఇతర స్టార్ యాక్టర్స్ నటనకు ఆడియెన్స్‌ ఫిదా అయిపోతున్నారు. కథతో పాటు యాక్షన్ సీన్స్ అదిరిపోయిందని రివ్యూలు ఇస్తున్నారు. అయితే ఈ సినిమా సక్సెస్ ఇప్పుడు సూర్య చేయబోయే కర్ణ సినిమా పై పడిందని అంటున్నారు. దీంతో కర్ణ సినిమా గురించి సోషల్ మీడియాలో

 పెద్ద ఎత్తున వార్తలను ప్రచారం చేస్తున్నారు. బాలీవుడ్ స్టార్ డైరెక్టర్ రాకేష్ ఓం ప్రకాష్ మెహరా సూర్య కాంబోలో ఈ సినిమా రాబోతున్నట్లుగా ఎప్పుడో అనౌన్స్ చేశారు. ఎక్సెల్ ఎంటర్టైన్మెంట్ భారీ బడ్జెట్ తో నిర్మిస్తున్న ఈ సినిమాలో ద్రౌపతి పాత్రలో జాహ్నవి కపూర్ ను ఇప్పటికే ఫిక్స్ చేసినట్లుగా వార్తలు వినబడుతున్నాయి. ఇక ఈ సినిమాకి సంబంధించిన అధికారిక ప్రకటన వచ్చి ఏడాది కావస్తోంది. కానీ ఇప్పటివరకు షూటింగ్ మాత్రం స్టార్ట్ చేయలేదు. ఇదిలా ఉంటే కల్కి సినిమాలో కురుక్షేత్రం ఎపిసోడ్ లో ప్రభాస్ కర్ణుడి పాత్రలో కొద్దిసేపు కనిపించాడు. ఈ సీక్వెన్స్ కి పబ్లిక్ నుంచి మంచి రెస్పాన్స్ వచ్చింది. ఓ విధంగా చెప్పాలంటే విజిల్స్ పడ్డాయి. దీనిని బట్టి

 అర్జునుడి కంటే కర్ణుడి పాత్రకి ప్రజలు ఎక్కువగా కనెక్ట్ అయ్యారని అర్ధమవుతోంది. ఈ నేపథ్యంలో సూర్య హీరోగా రాబోయే కర్ణ సినిమాకి పబ్లిక్ నుంచి ఇంతే రెస్పాన్స్ వస్తుందని అంచనా వేస్తున్నారు.   సూర్య కంగువ మూవీతో అక్టోబర్ 10న పాన్ ఇండియా రేంజ్ లో రిలీజ్ కాబోతోంది. ఈ మూవీ తర్వాత కర్ణ మూవీ సెట్స్ పైకి వెళ్లే అవకాశం ఉందనే మాట వినిపిస్తోంది. మరి కర్ణుడి పాత్రలో సూర్య ఏ మేరకు మెప్పిస్తాడు అనేది ఇప్పుడు ఆసక్తికరంగా మారింది. మొత్తానికి కల్కి సినిమా రిజల్ట్ ఇప్పుడు చాలా పెద్ద సినిమాలకి తలనొప్పిగా మారింది అని చెప్పొచ్చు..!!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

tollywood

Anilkumar

28/06/2024 03:03 PM