తెలుగు సినీ పరిశ్రమలో స్టార్ హీరోలలో సూపర్ స్టార్ మహేష్ బాబు ఒకరు. ఇక మహేష్ బాబు తన కెరీర్లో తనకు మొదటి సారి విజయం ఇచ్చిన దర్శకులను నమ్మి రెండవ , మూడవ అవకాశం ఇచ్చిన సందర్భాలు కూడా ఉన్నాయి. కానీ అలా మహేష్ నమ్మి వారికి అవకాశం ఇచ్చిన కొంత మంది దర్శకులు మాత్రం దానిని నిలబెట్టుకోలేక పోయారు. అలా మహేష్ కి మొదటి సినిమాతో బ్లాక్ బాస్టర్ విజయాన్ని ఇచ్చి , ఆ తర్వాత మాత్రం ఆ స్థాయి విజయాన్ని అందించలేకపోయిన దర్శకులు ఎవరు అనే విషయాన్ని తెలుసుకుందాం.

సూపర్ స్టార్ మహేష్ బాబు తన కెరియర్ ప్రారంభంలో గుణశేఖర్ దర్శకత్వంలో రూపొందిన ఒక్కడు అనే సినిమాలో హీరోగా నటించాడు. ఈ మూవీ అదిరిపోయే రేంజ్ బ్లాక్ బస్టర్ విజయాన్ని అందుకుంది. ఈ సినిమాతో మహేష్ బాబుకు సూపర్ సాలిడ్ క్రేజ్ వచ్చింది. ఈ మూవీ తర్వాత మహేష్ బాబు ఈ దర్శకుడితో అర్జున్ అనే మూవీ ని చేశాడు. ఈ మూవీ బాక్స్ ఆఫీస్ దగ్గర బోల్తా కొట్టింది. ఆ తర్వాత ఈ దర్శకుడికి మహేష్ మరో అవకాశం ఇచ్చాడు. ఆయన మహేష్ తో సైనికుడు అనే మూవీ ని రూపొందించాడు. ఆ సినిమా కూడా బాక్స్ ఆఫీస్ దగ్గర బోల్తా కొట్టింది.

ఇక మహేష్ బాబు కొంత కాలం క్రితం శ్రీను వైట్ల దర్శకత్వంలో దూకుడు అనే సినిమాలో హీరో గా నటించాడు. ఈ మూవీ బ్లాక్ బస్టర్ విజయం అందుకుంది. ఆ తర్వాత మహేష్ ఈ దర్శకుడిని నమ్మి మరో అవకాశం ఇచ్చాడు. దానితో శ్రీను వైట్ల , మహేష్ తో ఆగడు అనే మూవీ ని తెరకెక్కించాడు. ఈ మూవీ బాక్స్ ఆఫీస్ దగ్గర బోల్తా కొట్టింది. ఇక మహేష్ హీరోగా శ్రీకాంత్ అడ్డాల మొదటగా సీతమ్మ వాకిట్లో సిరిమల్లె చెట్టు అనే మూవీ ని తెరకెక్కించాడు. ఈ మూవీ సూపర్ సక్సెస్ ను అందుకుంది. ఇక ఆ తర్వాత ఈ దర్శకుడు మహేష్ తో బ్రహ్మోత్సవం అనే సినిమాను రూపొందించాడు. ఈ మూవీ బాక్స్ ఆఫీస్ దగ్గర భారీ అపజయాన్ని అందుకుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

MADDIBOINA AJAY KUMAR

02/07/2024 11:23 AM