మెగాస్టార్ చిరంజీవి ప్రస్తుతం విశ్వంభర అనే సోషియో ఫాంటసీ మూవీ లో హీరో గా నటిస్తున్న విషయం మన అందరికీ తెలిసిందే. ఈ మూవీ లో త్రిష హీరోయిన్ గా నటిస్తూ ఉండగా ... మల్లాడి వశిష్ట ఈ సినిమాకు దర్శకత్వం వహిస్తున్నాడు. యు వి క్రియేషన్స్ బ్యానర్ పై వంశీ , ప్రమోద్ లు ఎంతో భారీ బడ్జెట్ తో , చాలా ప్రతిష్టాత్మకంగా నిర్మిస్తున్న ఈ మూవీ కి ఎం ఎం కీరవాణి సంగీతం అందిస్తున్నాడు. ఈ మూవీ ని వచ్చే సంవత్సరం సంక్రాంతి కానుకగా జనవరి 10 వ తేదీన విడుదల చేయనున్నట్లు ఈ మూవీ బృందం ఎప్పుడో ప్రకటించింది. అందుకు అనుగుణం గానే ఈ సినిమా షూటింగ్ ను కూడా చాలా స్పీడ్ గా పూర్తి చేస్తూ వస్తున్నారు.

ఇప్పటికే ఈ సినిమాకు సంబంధించిన చాలా భాగం షూటింగ్ పూర్తి అయింది. అలాగే ఈ మూవీ యొక్క డబ్బింగ్ పనులను కూడా ఇప్పటికే స్టార్ట్ చేశారు. ఇకపోతే ప్రస్తుతం ఈ మూవీ యొక్క చిత్రీకరణ అన్నపూర్ణ స్టూడియోలో వేసిన ఒక భారీ సెట్ లో జరుగుతుంది. ఈ సినిమాలో చిరంజీవి అనేక లోకాలను ప్రయాణించబోతున్నట్లు తెలుస్తోంది. అందులో భాగంగా ఒక లోకంలో ఏలియన్స్ తో కూడా ఉండవలసిన అవసరం వస్తుందట. ప్రస్తుతం ఆ సన్నివేశాలనే అన్నపూర్ణ స్టూడియోలో వేసిన భారీ సెట్ లో చిత్రీకరిస్తున్నట్లు తెలుస్తోంది.

ఇక చిరంజీవి , ఏలియన్స్ మధ్య ఒక అద్భుతమైన కామెడీ ట్రాక్ ను ఈ సినిమా దర్శకుడు వశిష్ట ప్లాన్ చేస్తున్నట్లు , ప్రస్తుతం ఆ కామెడీ సన్నివేశాలనే చిత్రీకరిస్తున్నట్లు తెలుస్తోంది. చిరంజీవి , ఏలియన్స్ మధ్య వచ్చే కామెడీ సన్నివేశాలు అద్భుతంగా ఉండబోతున్నట్లు తెలుస్తోంది. ఇకపోతే ప్రస్తుతానికి విశ్వంబర మూవీ పై ప్రేక్షకుల్లో భారీ అంచనాలు ఉన్నాయి. మరి ఈ మూవీ ప్రేక్షకుల అంచనాలను అందుకొని భారీ స్థాయి విజయాన్ని అందుకుంటుందో లేదా అనేది తెలియాలి అంటే మరి కొన్ని నెలలు వేచి చూడాల్సిందే.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

chiru

MADDIBOINA AJAY KUMAR

06/07/2024 04:35 PM