తాజాగా ఈ వెబ్ సిరీస్ కి సంబంధించి టీజర్ ని కూడా చిత్ర బృందం విడుదల చేసింది. ఈ టీజర్ ని గమనిస్తే రేడియోలో చక్కటి పాట వస్తూ ఉంటుంది. అలా ప్రశాంతమైన పల్లెటూరుగా చూపిస్తారు.. ఇక అంజలి ఇందులో మరొక విలక్షణమైన పాత్రతో మెప్పించిందని ఈ టీజర్ ని చూస్తే మనకి అర్థమవుతుంది.. ఒకవైపు ప్రేమ చూపిస్తూనే మరొకవైపు ఆవేశంతో వైలెన్స్ ని కూడా ఒక ఊపు ఊపేస్తోంది అంజలి. ఈమె పోషించిన పాత్రలోని బాగోద్వేగాలు చాలా లోతులో ఉన్నట్టుగా అర్థమవుతుంది.
ప్రశాంతంగా ఉండే ఆ పల్లెటూరికి ఆ అమ్మాయి ఎందుకు వచ్చింది. అక్కడ ఎదురైన సంఘటనలు ఏవి ఆమె ప్రతికారానికి గల కారణాలు ఏంటి అనే విషయం తెలియాలి అంటే జులై 19 వరకు ఆగాల్సిందే.. జి ఫైవ్ లో స్ట్రిమింగ్ కాబోతున్న ఈ బహిష్కరణ సిరీస్ కోసం అభిమానులు చాలా ఆత్రుతగా ఎదురు చూస్తున్నారు. ఈ వెబ్ సిరీస్ ప్రేక్షకులకు అపరిమితమైన వినోదాన్ని కూడా అందించేలా కనిపిస్తోంది. డిఫరెంట్ కాన్సెప్ట్ తో కూడా అంజలి ఈ వెబ్ సిరీస్ తో రాబోతున్నట్లు కనిపిస్తోంది. మరి ఏ మేరకు ఈ వెబ్ సిరీస్ అంజలికి కలిసి వస్తుందో చూడాలి.