టాలీవుడ్ ఇండస్ట్రీలో టాప్ హీరోలలో ఒకరు అయినటువంటి యంగ్ టైగర్ జూనియర్ ఎన్టీఆర్ ప్రస్తుతం కొరటాల శివ దర్శకత్వంలో రూపొందుతున్న దేవర అనే పవర్ఫుల్ యాక్షన్ ఎంటర్టైనర్ మూవీ లో హీరో గా నటిస్తున్నాడు. మొత్తం రెండు భాగాలుగా విడుదల కానున్న ఈ మూవీ యొక్క మొదటి భాగాన్ని ఈ సంవత్సరం సెప్టెంబర్ 27 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో ఈ మూవీ బృందం ఈ సినిమాకు సంబంధించిన షూటింగ్ ను ఫుల్ స్పీడ్ గా పూర్తి చేస్తూ వస్తున్నారు.

ఈ సినిమాలో ఎన్టీఆర్ సరసన మోస్ట్ బ్యూటిఫుల్ నటిమని జాన్వి కపూర్ హీరోయిన్ గా కనిపించనుండగా ... ఈ సినిమాలో సైఫ్ అలీ ఖాన్ విలన్ పాత్రలో కనిపించబోతున్నాడు. అనిరుద్ రవిచంద్రన్ ఈ సినిమాకు సంగీతం అందిస్తున్నాడు. ఇకపోతే ఈ సినిమాలో జూనియర్ ఎన్టీఆర్ , జాన్వి కపూర్ పై రెండు రొమాంటిక్ సాంగ్స్ ఉండబోతున్నట్లు తెలుస్తోంది. ఎందుకు అంటే కొన్ని రోజుల క్రితమే ఈ మూవీ యూనిట్ గోవా లో ఎన్టీఆర్ మరియు జాహ్న కపూర్ పై ఓ రొమాంటిక్ సాంగ్ చిత్రీకరించినట్టు వార్తలు వచ్చాయి.

ఇక ప్రస్తుతం ఈ మూవీ యూనిట్ వచ్చే వారం ఎన్టీఆర్ , జాన్వి కపూర్ కాంబినేషన్ లో మరో రొమాంటిక్ సాంగ్ ను చిత్రీకరించబోతున్నట్లు తెలుస్తోంది. ఈ సాంగ్ ను హైదరాబాద్ శివారు లలో వేసిన ఒక ప్రత్యేక సెట్ లో చిత్రీకరించబోతున్నట్లు తెలుస్తోంది. ఈ మూవీ తోనే జాన్వీ కపూర్ తెలుగు తేరకు పరిచయం కానుంది. ఆర్ ఆర్ ఆర్ లాంటి భారీ బ్లాక్ బస్టర్ విజయం తర్వాత ఎన్టీఆర్ నటిస్తున్న మూవీ కావడం , కొరటాల శివ ఈ సినిమాకు దర్శకత్వం వహిస్తూ ఉండడంతో ఈ సినిమాపై ప్రస్తుతానికి ప్రేక్షకుల్లో అత్యంత భారీ అంచనాలు నెలకొని ఉన్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

07/07/2024 09:35 PM