పెళ్లయ్యాక కొద్ది రోజులకు విష్ణు మనోజ్ ఇంటికి వెళ్లి ఏదో గొడవ పడడం.. ఆ వెంటనే మనోజ్ ఆ వీడియో ను సోషల్ మీడియాలో పెట్టడం... మోహన్ బాబు వార్నింగ్తో తర్వాత దానిని డిలీట్ చేయడం.. అప్పటికే ఆ వీడియో వైరల్ అయిపోవడం ఇవన్నీ జరిగిన సంగతి తెలిసిందే. ఇక మనోజ్ - మౌనికా రెడ్డి దంపతులకు పాప పుట్టింది. ఈ పాపకు దేవసేన శోభా పేరు పెట్టారు. పరమ శివుని కుమారుడు సుబ్రమణ్య స్వామి భార్య పేరు దేవసేన... అలాగే మనోజ తన అత్త గారు అయిన దివంగత రాజకీయ నాయకురాలు శోభా నాగిరెడ్డి నుంచి శోభా పేరు తీసుకుని కలిపి ఈ పేరు పెట్టారు.
సోషల్ మీడియాలో తన పాపకు ఆ పేరు ఎందుకు పెట్టానో ఒక లెటర్ కూడా రిలీజ్ చేశాడు మనోజ్. ఆ లెటర్ లో తల్లిదండ్రులు మోహన్ బాబు, నిర్మలా దేవితో పాటు అక్క లక్ష్మీ మంచు పేరు ప్రస్తావించడం తో పాటు భార్య మౌనికా రెడ్డి తోబుట్టువుల పేర్లు కూడా ప్రస్తావించారు. అయితే తన అన్నయ్య విష్ణు మంచు పేరు ప్రస్తావన మాత్రం ఆ లేఖలో ఎక్కడా లేదు. కనీసం మాట వరుసకు కూడా విష్ణు పేరు అందు లో లేక పోవడంతో ఇండస్ట్రీ జనాలు.. నెటిజన్లు మాత్రం అన్న దమ్ముల మధ్య గొడవలు ఇంకా కంటిన్యూ అవుతున్నాయని చర్చించు కుంటున్నారు.