అదే లోకనాయకుడు కమల్ హాసన్ హీరోగా నటించిన భారతీయుడు 2. ఈ మూవీపై ఏ రేంజ్ లో అంచనాలు ఉన్నాయో ప్రత్యేకంగా చెప్పాల్సిన పనిలేదు ఇక ఈ సినిమా మొదటి పార్ట్ ఎంత సెన్సేషన్ విజయం సాధించిందో అందరికి తెలుసు. ఇలా భారీ అంచనాల మధ్య మరికొన్ని రోజుల్లో ఈ సినిమా ప్రేక్షకుల ముందుకు రాబోతుంది అన్న విషయం తెలిసిందే. అయితే ఇక ఈ మూవీ ప్రమోషన్స్ లో ప్రస్తుతం చిత్ర బృందం బిజీ బిజీగా ఉన్నారు. ఇక ఇటీవల ప్రీ రిలీజ్ ఈవెంట్ ని కూడా నిర్వహించారు అని చెప్పాలి. కాగా ఈ సినిమాలో అటు కమలహాసన్ సరసన కాజల్ అగర్వాల్ హీరోయిన్గా నటించింది అన్న విషయం తెలిసిందే. దీంతో ఆమె పాత్ర ఎలా ఉండబోతుందో చూడాలని అభిమానులు ఎంతో ఆత్రుతగా ఎదురుచూస్తున్నారు.
కానీ కాజల్ ఫ్యాన్స్ కి ఊహించని షాక్ తప్పదు అన్నది తెలుస్తోంది. కాజల్కు మెగాస్టార్ హీరోగా నటించిన ఆచార్యలో ఎదురైన చేదు అనుభవమే భారతీయుడు 2 లోను ఎదురయ్యే అవకాశం ఉన్నట్లు సమాచారం. ఎందుకంటే చిరు ఆచార్య సినిమాలో కాజల్ నటించినా.. ఆమె పాత్రను మాత్రం తొలగించారు. ఇక ఇప్పుడు భారతీయుడు 2 లో కూడా కాజల్ పాత్ర కనిపించదట. ఆమె పాత్రను మూడో పార్ట్ లో పెట్టాలని అనుకున్నారట మేకర్స్.ఈ క్రమంలోనే ఇక త్వరలో రిలీజ్ కాబోయే భారతీయుడు 2 లో ఆమె పాత్రను తొలగించారు అన్నది తెలుస్తోంది. అందుకే కాజల్ అగర్వాల్ ప్రస్తుతం ప్రమోషన్స్ లో పాల్గొనడం లేద. మరి మూడవ పార్ట్ లో అయినా కనీసం కాజల్ పాత్రను చూపిస్తారో లేదో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి