కమల్ హాసన్, శంకర్ అనే ఇద్దరు స్టార్ ఫేసులు, `భారతీయు`కి సీక్వెల్ అనేది తప్ప, సినిమా కంటెంట్ పరంగా పెద్దగా ఎక్కడం లేదు. బజ్‌ క్రియేట్‌ కావడం లేదు. రిలీజ్‌కి మరో రెండు రోజులే ఉన్నా, ఏమాత్రం హైప్‌ లేదు. ఈ నేపథ్యంలో ఈ సినిమాకి టికెట్ రేట్లు పెంచుకోవడం పెద్ద నష్టమనే చెప్పాలి. సినిమా ట్రైలర్ ఏమాత్రం ఆకట్టుకోలేదు. దీంతో మూవీ ఎలా ఉండబోతుందో అనే అనుమానాలున్నాయి. ఆడియెన్స్ లో ఆసక్తి కనిపించడం లేదు. దీనికితోడు ఇప్పుడు టికెట్ రేట్లు పెంచడమనేది మరింత మైనస్‌గా మారే అవకాశం ఉంది. అంత పెట్టి సినిమా చూడాల్సిన అవసరం ఏముందిలే అని అనుకునే ఛాన్స్ ఉంది. సినిమా బాగుందనే టాక్‌ వస్తే టికెట్ రేట్లు పెంచినా పెద్ద సమస్య కాదు. ఆడియెన్స్ వస్తారు. కానీ ఏమాత్రం తేడా టాక్‌ వచ్చినా, కనీసం చూసేందుకు ఆడియెన్స్ రారు అనేది నిజం. టికెట్ రేట్లు తక్కువ ఉన్నా ఆలోచిస్తారు. అలా కాకుండా ఎక్కువ టికెట్ రేటుతో అంటే పెదవి విరిచే అవకాశాలున్నాయి. ఇది మొదటికే మోసం రావచ్చు. ఈ విషయంలో మేకర్స్ సరైన నిర్ణయం తీసుకుని ఉంటే బాగుండేది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి