కాస్టింగ్ కౌచ్ లేదా బాడీ షేమింగ్ అనేది దాదాపు ప్రతి నటికి ఎక్కడో ఒక చోట ఎదురయ్యే చేదు అనుభవం. ఇలాంటి చేదు అనుభవం తనకు కూడా ఉందని నటి షాలినీ పాండే పేర్కొన్నారు. తాను సౌత్ సినిమాల్లో నటించే సమయంలో తనకు అక్కడి భాష తెలియదన్నారు. దీంతో తనకు మేనేజర్లుగా పని చేసిన వారు దీనిని సద్వినియోగం చేసుకునేందుకు ప్రయత్నించే వారన్నారు. ఇక తనను కూడా బాడీ షేమింగ్ చేశారని ఆమె వాపోయారు. సినిమాల్లోకి రాక ముందు ఇలా ఎన్నో సార్లు తిరస్కరణకు గురయ్యానన్నారు. కానీ ప్రస్తుతం అదే వ్యక్తులు తనను హాట్ అండ్ బోల్డ్ అని పిలుస్తున్నారని పేర్కొన్నారు. తాను అథ్లెటిక్ బాడీ అయినప్పటికీ తన గురించి అవమానకరంగా బాడీషేమింగ్ చేశారని ఆమె ఆవేదన వ్యక్తం చేశారు. తనకు ఎదురయ్యే సమస్యలను పక్కన పెట్టి, ప్రేక్షకులు తన నుంచి ఏం ఆశిస్తున్నారో తెలుసుకోవడానికి ప్రయత్నించే దానిని ఆమె చెప్పారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి