ఇలాంటి ఒక కొత్తదనం ఉన్న కంటెంట్ తోనే ప్రేక్షకుల ముందుకు వచ్చేందుకు సిద్ధమయింది ద బర్త్ డే బాయ్ అనే సినిమా. ఈ మూవీలో సమీర్ మల్ల, రాజీవ్ కనకాల ముఖ్యపాత్రల్లో నటించారు. ఇక ఎక్కువమంది నూతన నటీనటులు కనిపించబోతున్నారు. బొమ్మ బొరుసా పతాకంపై భరత్ నిర్మిస్తున్నారు. విస్కీ ఈ మూవీకి దర్శకుడిగా వ్యవహరించారు. అయితే జూన్ 19వ తేదీన ఈ సినిమా ప్రేక్షకుల ముందుకు రాబోతుంది. ఇక ఇటీవల ఈ సినిమా ట్రైలర్ను విడుదల చేశారు. ఇక ఆ ట్రైలర్ కు మంచి రెస్పాన్స్ వస్తుంది. అయితే ఈ ట్రైలర్ ఈవెంట్ కి దర్శకుడు విస్కీ ఏకంగా మొహం కనిపించకుండా మాస్క్ వేసుకొని రావడం గమనార్హం.
అప్పటికే కొత్త దర్శకుడు ఇక ఇప్పుడు ఇలా మాస్క్ వేసుకొని రావడంతో అతని మొహం ఎలా ఉంటుందో కూడా ఎవరు చూడలేకపోయారు. ఈ ఈవెంట్లో దర్శకుడు మాట్లాడుతూ.. 9 సంవత్సరాల క్రితం యదార్థ సంఘటన ఆధారంగా రాసుకున్న కథ ఇది అని తప్పకుండా ప్రేక్షకులకు నచ్చుతుంది అంటూ చెప్పుకోచాడు. నా అసలు పేరును, నా ఫేస్ ను సినిమా విడుదలైన తర్వాతే రివీల్ చేస్తానని. తప్పకుండా చిత్రం అందరికీ నచ్చుతుంది అని నమ్మకం ఉంది అంటూ డైరెక్టర్ విస్కీ చెప్పుకొచ్చాడు. దీంతో ఇది కాస్త హాట్ టాపిక్ గా మారిపోయింది. సాధారణంగా కొత్తగా ఇండస్ట్రీకి ఎంట్రీ ఇచ్చిన వారు తమ మొహాన్ని అందరికీ చూపించాలని అనుకుంటూ ఉంటారు. కానీ ఈ డైరెక్టర్ ఏంటి ఇలా మొహం దాచుకొని సినిమా ఈవెంట్ కి హాజరయ్యారు అంటూ అందరూ చర్చించుకుంటూ ఉన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి