టాలీవుడ్ యువ నటుడు రామ్ పోతినేని గురించి ప్రత్యేక పరిచయం అవసరం లేదు. ఈయన దేవదాసు అనే సినిమాతో తెలుగు తెరకు పరిచయం అయ్యాడు. ఈ మూవీ మంచి విజయం అందుకుంది. ఈ సినిమాతోనే ఈయనకు మంచి గుర్తింపు లభించింది. ఆ తర్వాత ఈ నటుడు చాలా విజయవంతమైన సినిమాలలో హీరో గా నటించి తనకంటూ ఒక మంచి గుర్తింపును ఏర్పరచుకున్నాడు. కొంత కాలం క్రితం రామ్ తమిళ దర్శకుడు అయినటువంటి లింగు సామి దర్శకత్వంలో రూపొందిన ది వారియర్ అనే సినిమాలో హీరోగా నటించాడు.

ఈ మూవీ ని ఒకే సారి తెలుగు , తమిళ భాషల్లో విడుదల చేశారు. ఈ మూవీ కి 40 కోట్ల ప్రీ రిలీజ్ బిజినెస్ ప్రపంచ వ్యాప్తంగా జరిగింది. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర పెద్ద అపజయాన్ని అందుకుంది. ఈ సినిమా తర్వాత ఈ నటుడు బోయపాటి శ్రీను దర్శకత్వంలో రూపొందిన స్కంద అనే పవర్ఫుల్ మాస్ యాక్షన్ ఎంటర్టైనర్ మూవీ లో హీరో గా నటించాడు. ఈ మూవీ కి ఏకంగా ప్రపంచ వ్యాప్తంగా 46 కోట్ల ప్రీ రిలీజ్ బిజినెస్ జరిగింది. తీరా రిజల్ట్ చూస్తే ఈ సినిమా కూడా ప్రేక్షకులను ఆకట్టుకోలేదు.

ఈ మూవీ ద్వారా కూడా రామ్ కి నిరాశనే మిగిలింది. ఇకపోతే తాజాగా ఈ యువ నటుడు డబల్ ఈస్మార్ట్ అనే సినిమాలో హీరో గా నటించాడు. పూరీ జగన్నాథ్ దర్శకత్వంలో రూపొందిన ఈ సినిమాపై మంచి అంచనాలు ఉన్నాయి. ఈ మూవీ కి ప్రపంచ వ్యాప్తంగా ఏకంగా 60 కోట్ల ప్రీ రిలీజ్ బిజినెస్ జరిగినట్లు సమాచారం. ఇప్పటి వరకు రామ్ పోతినేని కెరియర్ లో భారీ ప్రీ రిలీజ్ బిజినెస్ లను జరుపుకున్న ది వారియర్ , స్కంద సినిమాలు బాక్స్ ఆఫీస్ దగ్గర బోల్తా పడ్డాయి. మరి డబల్ ఈస్మార్ట్ మూవీ కి కూడా భారీ మొత్తంలో ప్రీ రిలీజ్ బిజినెస్ జరిగింది. ఈ సినిమాకు ఎలాంటి రిజల్ట్ బాక్స్ ఆఫీస్ దగ్గర వస్తుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

17/07/2024 09:30 AM