మెగా పవర్ స్టార్ రామ్ చరణ్ చాలా రోజుల క్రితమే ఉప్పెన సినిమా దర్శకుడు అయినటువంటి బుచ్చిబాబు సనా దర్శకత్వంలో ఓ మూవీ లో నటించడానికి గ్రీన్ సిగ్నల్ ఇచ్చిన విషయం మనకు తెలిసిందే. చాలా రోజుల క్రితమే ఈ సినిమాకు సంబంధించిన పూజా కార్యక్రమాలు కూడా పూర్తి అయ్యాయి. కాకపోతే ఈ సినిమా షూటింగ్ మాత్రం స్టార్ట్ కాలేదు. ఈ మూవీ షూటింగ్ స్టార్ట్ కాకపోవడానికి ప్రధాన కారణం. రామ్ చరణ్ ఇన్ని రోజుల పాటు శంకర్ దర్శకత్వంలో రూపొందుతున్న గేమ్ చేంజెర్ సినిమా షూటింగ్ లో పాల్గొన్నారు.

ఆ సినిమా షూటింగ్ మొత్తం పూర్తి అయ్యాకే ఈ సినిమా షూటింగ్ మొదలు పెట్టాలి అనే ఉద్దేశంతో రమ్య చరణ్ ఇన్ని రోజుల పాటు ఈ సినిమా షూటింగ్ ను హోల్డ్ లో పెట్టాడు. ఇకపోతే కొన్ని రోజుల క్రితమే గేమ్ చేంజర్ మూవీ లో రామ్ చరణ్ కు సంబంధించిన పోర్షన్ షూటింగ్ కంప్లీట్ అయింది. దానితో మరికొన్ని రోజుల్లోనే ఈ మూవీ యొక్క షూటింగ్ స్టార్ట్ కాబోతున్నట్లు తెలుస్తోంది. ఇక ఈ మూవీ కి ఇప్పటి వరకు టైటిల్ ఫిక్స్ చేయలేదు. దానితో RC 16 అనే వర్కింగ్ టైటిల్ తో ఈ మూవీ కి సంబంధించిన పనులను పూర్తి చేస్తూ వస్తున్నారు.

ఇది ఇలా ఉంటే కొన్ని రోజుల క్రితం ఈ మూవీ బృందం ఈ సినిమాకు పెద్ది అనే టైటిల్ ను అనుకుంటున్నట్లు , ఆల్మోస్ట్ ఇదే టైటిల్ కన్ఫామ్ చేసే ఆలోచనలో మూవీ బృందం ఉన్నట్లు ఓ వార్త వైరల్ అయిన విషయం మనకు తెలిసిందే. ఇక ప్రస్తుతం అందుతున్న సమాచారం ప్రకారం ఈ మూవీ కి ఇప్పటి వరకు ఎలాంటి టైటిల్ ను అనుకోలేదు అని , సినిమా షూటింగ్ జరుగుతున్న సమయంలో ఆ కథ కి తగ్గట్లు ఏదైనా మంచి టైటిల్ దొరికితే దానిని పెట్టబోతున్నట్లు , ఒక వేళ సినిమా చిత్రీకరణ దశలో ఏ టైటిల్ కూడా బెటర్ గా అనిపించని దశలో పెద్ది అనే టైటిల్ ను ఆలోచించే ఆలోచనలో మూవీ బృందం ఉన్నట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

17/07/2024 10:11 AM