సూపర్ స్టార్ మహేష్ బాబు బామ్మర్ది, సూపర్ స్టార్ కృష్ణ అల్లుడు అనే బ్రాండ్ తోనే టాలీవుడ్ లోకి సుధీర్ బాబు ఎంట్రీ ఇచ్చాడు. హిట్లు తక్కువే అయినా నటుడిగా మాత్రం తక్కువ కాలంలోనే తనదైన ముద్ర వేసుకున్నాడు. అలాగే అందమైన హీరోగా కూడా పేరు సంపాదించాడు. కండలు తిరిగిన శరీరంతో అదిరిపోయే లుక్ లో కనిపించే సుధీర్ బాబుకి తనని తాను పూర్తిస్థాయిలో షోకేస్ చేసుకునే క్యారెక్టర్ పడలేదని ఘట్టమనేని ఫ్యాన్స్ ఫీల్ అవుతున్నారు.అయితే కెరియర్ ఆరంభం నుంచి డిఫరెంట్ కథలని ట్రై చేస్తూ ఉండటం వలన సుధీర్ బాబుకి కమర్షియల్ గా చెప్పుకోదగ్గ బ్లాక్ బస్టర్స్ అయితే పడలేదు. అయితే రీసెంట్ గా హరోంహర సినిమాతో సుధీర్ బాబు ప్రేక్షకుల ముందుకొచ్చారు. ఈ మూవీ పర్వాలేదనే టాక్ తెచ్చుకుంది. ఓటీటీలో ఈ మూవీని ఎక్కువ మంది ఆడియన్స్ చూస్తున్నారు. పీరియాడిక్ జోనర్ లో పవర్ ఫుల్ స్మగ్లింగ్ బ్యాక్ డ్రాప్ కథతో ఈ సినిమా చేశారు.ఈ మూవీలో సుదీర్ బాబు పెర్ఫార్మెన్స్ కూడా అద్భుతంగా ఉంది. కమర్షియల్ గా థియేటర్స్ లో ఈ సినిమా యావరేజ్ సక్సెస్ అందుకుంది. ఇక ఇదిలా ఉంటే సుధీర్ బాబు తన నెక్స్ట్ మూవీని పాన్ ఇండియా ప్రాజెక్ట్ గా చేయబోతున్నాడు. అది కూడా కెరియర్ లోనే హైయెస్ట్ బడ్జెట్ తో తెరకెక్కనుంది. 


ప్రస్తుతం ఈ సినిమా కోసం సుధీర్ బాబు జిమ్ లో కష్టపడుతూ కసరత్తులు చేస్తున్నారంట. సూపర్ నేచురల్ మిస్టరీ థ్రిల్లర్ గా ఈ సినిమా ఉండబోతోందంట. ఈ మూవీలో సుధీర్ బాబు క్యారెక్టర్ చాలా పవర్ ఫుల్ గా ఉండబోతోందని తెలుస్తోంది. అందుకే క్యారెక్టర్ పెర్ఫెక్షన్ కోసం లుక్ పరంగా వేరియేషన్ చూపించే ప్రయత్నం సుధీర్ బాబు చేస్తున్నారు. అసలే కండలు తిరిగిన శరీరంతో సూపర్ ఫిట్ గా సుధీర్ బాబు ఉంటాడు. ఇప్పుడు ఆ కండలు మరింతగా పెంచి ఫైటర్ తరహాలో సిద్ధం అవుతూ ఉండటం మరింత ఆసక్తికరంగా మారింది. ఆయన వర్క్ అవుట్ కి సంబందించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. బాలీవుడ్ ప్రొడ్యూసర్ ప్రేరణ అరోరా ఈ మూవీతో టాలీవుడ్ లోకి అడుగుపెడుతున్నారు. ఈ మూవీతో వెంకట్ కళ్యాణ్ దర్శకుడిగా పరిచయం అవుతున్నాడు. ఈ సినిమాలో పవర్ ఫుల్ యాక్షన్ సన్నివేశాలు ఉంటాయంట. పౌరాణిక కథల రిఫరెన్స్ తోనే ఈ మూవీని వెంకట్ కళ్యాణ్ తెరకెక్కించబోతున్నట్లు తెలుస్తోంది. మంచికి చెడుకి మధ్య జరిగే యుద్ధంగా ఈ సినిమా కథాంశం ఉంటుందంట. త్వరలో ఈ మూవీ సెట్స్ పైకి వెళ్లనున్నట్లు సమాచారం తెలుస్తోంది. ఫేమస్ బాలీవుడ్ హీరోయిన్ ని సుధీర్ బాబుకి జోడీగా ఈ సినిమా కోసం ఎంపిక చేయబోతున్నారంట.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Purushottham Vinay

21/07/2024 03:14 PM