జెర్సీ సినిమాతో తెలుగు ప్రేక్షకులకు పరిచయం అయిన కన్నడ అందం శ్రద్ధా శ్రీనాథ్. తొలి సినిమాలోనే ఎంతో అద్భుతమైన నటనతో అందర్నీ మెప్పించింది ఈమె. జెర్సీలో చాలా పద్దతిగా కనిపించింది శ్రద్ధా. ఆ తర్వాత కృష్ణ అండ్ హిస్ లీలలో కాస్త రెచ్చిపోయింది.తాజాగా ఈ హీరోయిన్ స్టైలిష్ లుక్ తో మెరవ బోతుంది.యంగ్ అండ్ టాలెంటెడ్ హీరో విశ్వక్ సేన్ వరుస సినిమాలతో దూసుకెళుతున్నాడు. ఈ ఏడాదిలో ఇప్పటికే గామి. గ్యాంగ్స్ ఆఫ్ గోదావరి రిలీజ్ చేసాడు. ప్రస్తుతం రెండు సినిమాలు సెట్స్ పై ఉన్నాయి.విశ్వక్ సేన్ ప్రస్తుతం ‘మెకానిక్ రాకీ’ అనే చిత్రంలో నటిస్తున్నాడు. ఈ చిత్రానికి నూతన దర్శకుడు రవితేజ ముళ్లపూడి రచన మరియు దర్శకత్వం వహిస్తున్నాడు. SRT ఎంటర్‌టైన్‌మెంట్స్‌ బ్యానర్ పై ప్రముఖ నిర్మాత రామ్ తాళ్లూరి ఈ చిత్రాన్ని నిర్మిస్తున్నారు. ముక్కోణపు ప్రేమకథగా తెరకెక్కుతున్న ఈ చిత్రంలో విశ్వక్ సేన్ కు జోడీగా మీనాక్షి చౌదరి, శ్రద్ధా శ్రీనాథ్‌లు నటిస్తున్నారు. కాగా ‘మెకానిక్ రాకీ’ సెట్స్ లో అడుగు పెడుతున్న సందర్భంగా శ్రద్ధా శ్రీనాథ్‌ కు స్వాగతిస్తూ ఆమె ఫస్ట్ లుక్ పోస్టర్‌ను విడుదల చేశారు మేకర్స్ . స్లిట్ మ్యాక్సీ డ్రెస్‌లో శ్రద్ధా శ్రీనాథ్‌ అల్ట్రా స్టైల్ లుక్ లో అదరగొడుతుంది.భారీ బడ్జెట్‌తో భారీ కాన్వాస్‌పై తెరకెక్కుతున్న ఈ చిత్రాన్నీదీపావళి కానుకగా అక్టోబరు 31న విడుదల చేస్తున్నట్టు అధికారకంగా ప్రకటించారు నిర్మాత రామ్ తాళ్లూరి. అదే రోజున తమిళ స్టార్ హీరో శివకార్తికేయన్ నటించిన అమరన్ విడుదల కానుంది. దీంతో ఈ రెండు చిత్రాల మధ్య పోటీ నెలకొంది. ‘మెకానిక్ రాకి’ థియేట్రికల్ రైట్స్ ఏషియన్,సురేష్ కొనుగోలు చేసారు. ఈ చిత్రానికి జేక్స్ బిజోయ్ సంగీతం అందించగా, మనోజ్ కటసాని సినిమాటోగ్రఫీని నిర్వహించారు. అన్వర్ అలీ ఎడిటర్, క్రాంతి ప్రియం ప్రొడక్షన్ డిజైనర్. సత్యం రాజేష్ మరియు విద్యాసాగర్ జె ఎగ్జిక్యూటివ్ నిర్మాతలుగా వ్యవహరిస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

21/07/2024 04:30 PM