నందమూరి బాలకృష్ణ ప్రస్తుతం NBK 109 అనే వర్కింగ్ టైటిల్ తో రూపొందుతున్న సినిమాలో హీరోగా నటిస్తున్న విషయం మన అందరికీ తెలిసిందే. ఈ మూవీ కి బాబి దర్శకత్వం వహిస్తూ ఉండగా ... ఊర్వశి రౌటేలా ఈ సినిమాలో ఓ కీలకమైన పాత్రలో కనిపించబోతుంది. సితార ఎంటర్టైన్మెంట్ బ్యానర్ పై ప్రముఖ నిర్మాత సూర్య దేవర నాగ వంశీ ఈ మూవీ ని భారీ బడ్జెట్ తో నిర్మిస్తున్నాడు. ఈ సినిమాకు ఎస్ ఎస్ తమన్ సంగీతం అందిస్తున్నాడు. ఈ మూవీ ని బాబి పక్క అవుట్ అండ్ అవుట్ కమర్షియల్ ఎంటర్టైనర్ మూవీ గా రూపొందిస్తున్నాడు.

ఈ మూవీ కి సంబంధించిన షూటింగ్ చాలా రోజుల క్రితమే ప్రారంభం అయింది. కొంత భాగం షూటింగ్ పూర్తి అయిన తర్వాత బాలకృష్ణ ఆంధ్ర రాష్ట్ర రాజకీయాలపై ఫోకస్ పెట్టడంతో కొన్ని రోజుల పాటు ఈ మూవీ షూటింగ్ నిలిచిపోయింది. ఇక ఎన్నికల్లో ఎమ్మెల్యే గా పోటీ చేసి అద్భుతమైన విజయాన్ని అందుకున్న బాలకృష్ణ తిరిగి మళ్ళీ ఈ సినిమా షూటింగ్ ను మొదలు పెట్టాడు. ప్రస్తుతం ఈ సినిమా షూటింగ్ శరవేగంగా జరుగుతుంది. ఇది ఇలా ఉంటే ఈ మూవీ యొక్క తాజా షెడ్యూల్ రాజస్థాన్ లోని జైపూర్ లో తాజాగా ప్రారంభం అయింది. ఈ షెడ్యూల్ లో ఈ మూవీ బృందం ఈ సినిమాకు సంబంధించిన అత్యంత కీలక సన్నివేశాలను చిత్రీకరించబోతున్నట్లు తెలుస్తోంది.

ఈ షెడ్యూల్ తో ఈ మూవీ కి సంబంధించిన చాలా భాగం షూటింగ్ కంప్లీట్ కాబోతున్నట్లు తెలుస్తోంది. ఇది ఇలా ఉంటే అఖండ , వీర సింహా రెడ్డి , భగవంత్ కేసరి మూడు మూవీ లతో అద్భుతమైన విజయాలను అందుకున్న తర్వాత బాలకృష్ణ నటిస్తున్న మూవీ కావడం , వాల్టేరు వీరయ్య సినిమాతో బ్లాక్ బాస్టర్ విజయాన్ని అందుకున్న తర్వాత బాబి దర్శకత్వంలో తెరకెక్కుతున్న సినిమా కావడంతో ఈ మూవీ పై ప్రస్తుతానికి తెలుగు ప్రేక్షకుల్లో అత్యంత భారీ అంచనాలు నెలకొని ఉన్నాయి. మరి ఈ మూవీ ఆ అంచనాలను అందుకుంటుందో లేదో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

balayya

MADDIBOINA AJAY KUMAR

23/07/2024 10:19 AM