ఈ సినిమా దర్శకుడు మారుతి, సంగీత దర్శకుడు తమన్ ఇటీవల ఒక అప్‌కమింగ్ మ్యూజికల్ ఫెస్టివల్ ప్రచార కార్యక్రమంలో పాల్గొన్నారు. అక్కడ వారు మాట్లాడుతూ, ప్రభాస్ నటించిన తాజా సినిమా "కల్కి 2898 AD" విజయం వల్ల వారి తదుపరి చిత్రం "ది రాజా సాబ్" షూటింగ్ పద్ధతిలో మార్పులు రాబోతున్నాయని తెలిపారు. తమపై ప్రెజర్ పెరిగిందని మ్యూజిక్ డైరెక్టర్ తమన్ కామెంట్స్ చేశాడు.
"కల్కి 2898 AD" సినిమా విజయం చాలా కాలంగా నష్టాలతో కష్టపడుతున్న థియేటర్ పరిశ్రమకు పునర్జన్మనిచ్చిందని దర్శకుడు మారుతి అన్నారు. ఈ సినిమా విజయంతో చాలా సంతోషంగా ఉన్నామని, ఇప్పుడు మరింత కష్టపడి మరో హిట్ సినిమా ఇవ్వాలని మరింత ఉత్సాహంగా ఉన్నామని ఆయన తెలిపారు.
"ది రాజా సాబ్" చిత్రం గురించి మరింత సమాచారం ఇవ్వకపోయినా, మారుతి తన కూతురు హియా దాసరి కూడా ఈ చిత్రంపై పనిచేస్తోందని, క్రియేటివ్ ఐడియాలతో అందరినీ ఆకట్టుకుంటోందని చెప్పారు.
సంగీత దర్శకుడు థమన్ దర్శకుడు మరుతి మాటలతో ఏకీభవిస్తూ, "ది రాజా సాబ్" చిత్రానికి మ్యూజిక్ చాలా కమర్షియల్ గా ఉంటుందని తెలిపారు. ఫుల్ కమర్షియల్ సౌండ్ ట్రాక్ తో ప్రభాస్ సినిమా రాక చాలా కాలం అయిందని, ఈ చిత్రం తనకు చాలా స్ఫూర్తినిస్తోందని థమన్ చెప్పారు. చూడాలి మరి ఈ హారర్ కామెడీ కల్కి అంతటి హిట్ కొడుతుందో లేదో. రాజా సాబ్ సినిమాలో డ్యాన్స్ కి అనువైన పాటలు ఉన్నాయని తమన్ చెప్పారు. చాలాకాలం తర్వాత ఓల్డ్ ప్రభాస్ ను ప్రేక్షకులు చూడబోతున్నారని చెప్పి హైప్‌ పెంచారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి