![](https://www.indiaherald.com/cdn-cgi/image/width=750/imagestore/images/movies/movies_latestnews/crazy-dairectorsd28ba6ec-be4c-4bd4-8173-9d4d00c90a35-415x250.jpg)
ఎస్ ఎస్ రాజమౌళి : ఈయన పాన్ ఇండియా సినిమాలకు దారులను వేశాడు. మొదటగా తెలుగు సినిమాలకు మార్కెట్ లేదు అనే సమయంలో రాజమౌళి ప్రభాస్ హీరోగా బాహుబలి అనే పాన్ ఇండియా మూవీ ని విడుదల చేశాడు. ఈ మూవీ అద్భుతమైన విజయం అందుకుంది. ఇక ఆ తర్వాత బాహుబలి 2 సినిమా మరింత పెద్ద బ్లాక్ బాస్టర్ అయ్యింది. ఇక ఆ తర్వాత రాజమౌళి , రామ్ చరణ్ , జూనియర్ ఎన్టీఆర్ హీరోలుగా ఆర్ ఆర్ ఆర్ అనే మరో పాన్ ఇండియా మూవీ ని తెరకెక్కించాడు. ఈ సినిమా కూడా అద్భుతమైన విజయం అందుకుంది. ఇలా ఇప్పటి వరకు ఈయన తీసిన మూడు పాన్ ఇండియా సినిమాలు కూడా అద్భుతమైన విజయాలను అందుకున్నాయి. ఈ సినిమాలతో ఈయనకు దేశ వ్యాప్తంగా కాదు ప్రపంచ వ్యాప్తంగానే గుర్తింపు లభించింది.
సుకుమార్ : ఈ దర్శకుడు కేవలం ఇప్పటి వరకు పుష్ప పాటు 1 అనే పాన్ ఇండియా మూవీ కి మాత్రమే దర్శకత్వం వహించాడు. కానీ ఈ సినిమాతోనే ఈయనకు దేశ వ్యాప్తంగా గుర్తింపు లభించింది. ఈ మూవీ లో అల్లు అర్జున్ హీరో గా నటించాడు. ప్రస్తుతం సుకుమార్ "పుష్ప పార్ట్ 2" మూవీ కి దర్శకత్వం వహిస్తున్నాడు. ఈ మూవీ ని కూడా పాన్ ఇండియా మూవీ గా విడుదల చేయనున్నారు. ఈ మూవీ పై ఇండియా వ్యాప్తంగా సినీ ప్రేమికుల్లో భారీ అంచనాలు ఉన్నాయి.
సందీప్ రెడ్డి వంగ : ఈ దర్శకుడు కొంత కాలం క్రితం హిందీ నటుడు అయినటువంటి రన్బీర్ కపూర్ హీరోగా యానిమల్ అనే పాన్ ఇండియా మూవీ ని తెరకెక్కించాడు. ఈ మూవీ అద్భుతమైన విజయం సాధించడంతో ఈ దర్శకుడికి ఇండియా వ్యాప్తంగా గుర్తింపు లభించింది.
నాగ్ అశ్విన్ : ఈ దర్శకుడు తాజాగా ప్రభాస్ హీరోగా కల్కి 2898 AD అనే పాన్ ఇండియా మూవీ ని తెరకెక్కించాడు. ఈ మూవీ ఇప్పటికే 1000 కోట్లకు పైగా కలెక్షన్లను కొల్లగొట్టింది. ఈ సినిమా ద్వారా నాగ్ అశ్విన్ కి దేశ వ్యాప్తంగా గుర్తింపు లభించింది.