రెబల్ స్టార్ ప్రభాస్ గురించి ప్రత్యేక పరిచయం అవసరం లేదు. ప్రభాస్ ఇప్పటికే ఎన్నో అద్భుతమైన విజయవంతమైన సినిమాలలో హీరో గా నటించి ఇండియా వ్యాప్తంగానే కాదు ప్రపంచ వ్యాప్తంగా గుర్తింపును సంపాదించుకున్నాడు. తాజాగా ప్రభాస్ , నాగ్ అశ్విన్ దర్శకత్వంలో రూపొందిన కల్కి 2898 AD అనే పాన్ ఇండియా మూవీ లో హీరో గా నటించాడు. జూన్ 27 వ తేదీన ప్రపంచ వ్యాప్తంగా విడుదల అయిన ఈ సినిమా ఇప్పటికే 1000 కోట్లకు పైగా కలెక్షన్లను కొల్లగొట్టి అదిరిపోయే రేంజ్ విజయాన్ని అందుకుంది. ఇకపోతే ప్రస్తుతం ప్రభాస్ , మారుతీ దర్శకత్వంలో రూపొందుతున్న సినిమాలో హీరో గా నటిస్తున్నాడు. ప్రస్తుతం ఈ సినిమా షూటింగ్ శరవేగంగా జరుగుతుంది.

ఈ మూవీ షూటింగ్ పూర్తి కాక ముందే ప్రభాస్ హను రాగవపూడి దర్శకత్వంలో ఓ మూవీ చేయబోతున్నాడు. ఇప్పటికే హను రాగవపూడి , ప్రభాస్ మూవీ కి సంబంధించిన దాదాపు అన్ని పనులను పూర్తి చేసినట్లు తెలుస్తోంది. మరికొన్ని రోజుల్లోనే ఈ మూవీ యొక్క రెగ్యులర్ షూటింగ్ కూడా ప్రారంభం కాబోతున్నట్లు సమాచారం. ఇప్పటికే హను రాఘవపూడి ఈ సినిమాలో ప్రభాస్ కి జోడిగా మృణాల్ ఠాగూర్ ని హీరోయిన్ గా కూడా ఎంపిక చేసుకున్నట్లు తెలుస్తోంది.

ఇక మృణాల్ ఠాకూర్ , ప్రభాస్ లాంటి అద్భుతమైన స్టార్ హీరో సినిమా కావడంతో తన రెమ్యూనరేషన్ ను డబల్ చేసినట్లు తెలుస్తోంది. గతంలో ఈ ముద్దుగుమ్మ సినిమాకు 3 కోట్ల వరకు రెమ్యూనరేషన్ తీసుకోక , ప్రభాస్ సినిమా కోసం 6 కోట్లు డిమాండ్ చేసినట్లు , ఈ ముద్దుగుమ్మకు అద్భుతమైన క్రేజ్ ఉండడంతో మూవీ మేకర్స్ కూడా ఆ మొత్తం ఇవ్వడానికి గ్రీన్ సిగ్నల్ ఇచ్చినట్లు సోషల్ మీడియాలో ఓ వార్త తెగ వైరల్ అవుతుంది. ఈ మూవీ కనుక మంచి విజయం అందుకుంటే మృణాల్ క్రేజ్ ఇండియా వ్యాప్తంగా భారీగా పెరిగే అవకాశం చాలా వరకు ఉంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

mrunal

Pulgam Srinivas

05/08/2024 12:38 PM