మాస్ కి దాస్ విశ్వక్ సేన్ తెలుగు సినీ ఇండస్ట్రీలో ఒక యంగ్ హీరో. తన నటనతో ప్రేక్షకులను ఎంతగానో అలరిస్తున్నాడు. ఇప్పటికే అనేక సినిమాల్లో నటించి మంచి గుర్తింపు తెచ్చుకున్నాడు. ఇక ఈ యంగ్ హీరో తాజాగా  ‘మెకానిక్ రాకీ’ అనే సినిమాలో హీరోగా నటిస్తున్నాడు. ఈ సినిమాను ర‌వితేజ ముళ్ళ‌పూడి డైరెక్ట్ చేస్తుండ‌గా, పూర్తి మాస్ యాక్ష‌న్ ఎంట‌ర్టైట‌న‌ర్ గా ఈ సినిమా రానుంది.  ఇక ఇందులో అందాల భామ‌లు మీనాక్షి చౌద‌రి, శ్ర‌ద్ధా శ్రీ‌నాథ్ హీరోయిన్లుగా న‌టిస్తున్నారు. ఈ సినిమా కథ ఎలా ఉంటుందో ఇంకా తెలియదు. కానీ, విశ్వక్ సేన్ ఒక

 మెకానిక్ పాత్రలో కనిపించబోతున్నాడు. ఈ సినిమా థ్రిల్లర్ జోనర్ లో ఉంటుందని అనిపిస్తుంది. ఇక ఈ సినిమా నుంచి ఫ‌స్ట్ సింగిల్ సాంగ్ కు మేక‌ర్స్ రిలీజ్ టైమ్ ఫిక్స్ చేసిన సంగతి తెలిసిందే. ఇది ఇలా ఉంటే ఈ సాంగ్ కి సంబంధించిన ప్రోమోను మేక‌ర్స్ తాజాగా రిలీజ్ చేశారు. సుద్ధాల అశోక్ తేజ త‌న‌దైన లిరిక్స్ తో ఆక‌ట్టుకునే విధంగా ఈ పాట‌ను రాయ‌గా, మ్యూజిక్ డైరెక్ట‌ర్ జేక్స్ బిజోయ్ అదిరిపోయే ఫోక్ బీట్స్ తో ఈ పాట‌ను నెక్ట్స్ లెవెల్ కు తీసుకెళ్ల‌నున్న‌ట్లు ఈ ప్రోమో చూస్తే అర్థ‌మవుతోంది. ఇక తెలుగు సినీ ప్రేక్షకులకు ఫోక్ సంగీతం

 అంటే ఎంత ఇష్టమో అందరికీ తెలుసు. అలాంటి ఫోక్ సంగీతానికి మరో ఉదాహరణగా నిలిచింది ‘గుల్లెడు గుల్లెడు’ పాట. ఈ పాటలోని మరింత ప్రత్యేకత ఏంటంటే ప్రముఖ ఫోక్ సింగర్ మంగ్లీ ఈ పాటను పాడారు. ఆమె మధురమైన స్వరం ఈ పాటకు మరింత అందాన్ని చేర్చింది.మొత్తానికి మాస్ కా దాస్ ఓ ప్యూర్ ఫోక్ సాంగ్ తో ఆడియెన్స్ కు ట్రీట్ ఇచ్చేందుకు సిద్ధ‌మైన‌ట్లు తెలుస్తోంది. ఇకపోతే ఈ పాట‌ను ఆగ‌స్టు 7న సాయంత్రం 4.04 గంట‌ల‌కు రిలీజ్ చేయ‌నున్నారు మేకర్స్. ఇది ఇలా ఉంటే రామ్ తాళ్ళూరి ఈ సినిమాను ప్రొడ్యూస్ చేస్తున్నారు. కాగా ఈ సినిమా పై తెలుగు సినీ ప్రేమికులందరిలో భారీ ఆసక్తి నెలకొంది. ఈ సినిమా త్వరలోనే విడుదల కాబోతుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

tollywood

Anilkumar

06/08/2024 06:06 PM