మెగా పవర్ స్టార్ రామ్ చరణ్ నటించిన లేటెస్ట్ సినిమా గేమ్ చేంజర్. అయితే తాజాగా ఈ సినిమాకి సంబంధించిన ఒక అద్భుతమైన అప్డేట్ విడుదల చేశారు నిర్మాత దిల్ రాజు.. శిరీష్. అయితే రామ్ చరణ్ నటిస్తున్న గేమ్ చేంజర్ సినిమాను ఈ ఏడాది క్రిస్మస్ కానుకగా గ్రాండ్గా విడుదల చేయబోతున్నాము అంటూ వెల్లడించారు చిత్ర బృందం. అందులో భాగంగానే ఎప్పటికప్పుడు ఈ సినిమాకి సంబంధించిన అప్డేట్స్ ఇస్తూ మెగా అభిమానులను ఖుషీ చేస్తున్నారు. ఇక ఈ సంవత్సరం ఎండింగ్ లో క్రిస్మస్ సెలబ్రేషన్స్ న్యూ ఇయర్

 సెలబ్రేషన్స్ అన్ని మావే అనే కాన్ఫిడెన్స్ తో ఉన్నారు దర్శక నిర్మాతలు. అంతేకాదు రామ్ చరణ్ ఇప్పటివరకు తీయని ఒక అద్భుతమైన సినిమా తీశాడు అదే గేమ్ చేంజర్ అని అంటున్నారు చిత్ర బృందం. ఇదిలా ఉంటే.. హీరో రామ్‌చరణ్‌ ఇప్పటికే తన పాత్రకు సంబంధించిన షూటింగ్‌ పూర్తి చేసుకున్నారు. మిగతా షూటింగ్‌ని పూర్తి చేసే పనిలో శంకర్‌ బిజీగా ఉన్నారు. తాజాగా ఈ సినిమా డబ్బింగ్‌ పనులు షూరూ అయ్యాయి. పూజా కార్యక్రమంతో చిత్రబృందం డబ్బింగ్‌ కార్యక్రమాలను మొదలుపెట్టారు. 'ఆల్‌ సెల్‌ ఫర్‌ ద మెగా

 ఫైర్‌ వర్క్స్‌ – క్రిస్మస్‌ 2024' అంటూ డబ్బింగ్‌ ప్రారంభించిన విషయాన్ని సోషల్‌మీడియా ద్వారా మేకర్స్‌ ప్రకటించారు. అంజలి, కియారా అద్వానీ కథానాయికలుగా నటిస్తున్న ఈ చిత్రంలో శ్రీకాంత్‌, సముద్రఖని, ఎస్‌.జె.సూర్య, సునీల్‌, నవీన్‌చంద్ర ఇతర పాత్రధారులు. ఈ చిత్రానికి కెమెరా: ఎస్‌.తిరుణావక్కరుసు, స్టోరీ లైన్‌: కార్తీక్‌ సుబ్బరాజు, మాటలు: సాయిమాధవ్‌ బుర్రా, సంగీతం: తమన్‌. ఇక రామ్ చరణ్ త్రిబుల్ ఆర్ సినిమాతో గ్లోబల్ స్థాయిలో గుర్తింపున సంపాదించుకున్న సంగతి మన అందరికీ తెలిసిందే. ఇక అలాంటి ఒక అద్భుతమైన సినిమా తర్వాత రామ్ చరణ్ చేస్తున్న సినిమా కావడంతో గేమ్ చేంజర్ పై ఇప్పటికే భారీ అంచనాలు ఉన్నాయి..!!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

tollywood

Anilkumar

08/08/2024 11:50 AM