టాలీవుడ్ ఇండస్ట్రీ లో నిర్మాతగా మంచి గుర్తింపును సంపాదించుకున్న వారిలో దిల్ రాజు ఒకరు. ఈయన ఇప్పటి వరకు తన కెరీర్ లో ఎన్నో సినిమాలను నిర్మించిన విషయం మనకు తెలిసిందే. అందులో భాగంగా ఓ సినిమా విడుదల కాకముందే ఆయన ఆ మూవీ బాక్స్ ఆఫీస్ దగ్గర పెద్దగా ప్రేక్షకులను ఆకట్టుకోదు అని చెప్పాడట. కానీ ఎవరు వినలేదట. ఆ సినిమా ఏది ..? ఆ తర్వాత దానికి ఎలాంటి రిజల్ట్ వచ్చింది అనే వివరాలను తెలుసుకుందాం. కొంత కాలం క్రితం దిల్ రాజు ఓ ఇంటర్వ్యూలో భాగంగా మాట్లాడుతూ ... వేణు శ్రీరామ్ నా దగ్గరికి ఓ మై ఫ్రెండ్ అనే మూవీ కథతో వచ్చాడు. ఆ కథ మొత్తం విన్నాక నాకు బాగా నచ్చింది. ఇక ఆయనతో కొంత కాలం పాటు ట్రావెల్ చేసి ఈ సినిమాను మొదలు పెట్టాను.

ఈ సినిమా వేణు శ్రీరామ్ కి మొదటి సినిమా. ఈ మూవీ లో సిద్ధార్థ్ , హన్సిక , శృతి హాసన్ ముఖ్య పాత్రలలో నటించారు. సినిమా మొదటి భాగం షూటింగ్ పూర్తి అయ్యింది. సినిమా నేను చూశాను. నాకు బాగా నచ్చింది. ఇక సెకండ్ హాఫ్ సినిమా షూటింగ్ మొత్తం అయ్యింది. ఆ తర్వాత నేను సినిమా చూశాను. నాకు పెద్దగా నచ్చలేదు. ఆ తర్వాత కామెడీ ట్రాక్ అవి ఇవి చేర్చి కొంచెం బెటర్మెంట్ చేసాం. కాకపోతే సినిమా ఆడదు అని నాకు అనిపించింది. అదే విషయాన్ని శిరీష్ , లక్ష్మణ్ కు చెప్పాను. వారికి మాత్రం సినిమా బాగా నచ్చింది , ఆడుతుంది అని నమ్మకంతో వారు ఉన్నారు. ఇక సినిమా విడుదల అయింది.

మొదటి రోజు కలెక్షన్లు బాగానే వచ్చాయి. కానీ ఆ తర్వాత రోజు నుండి కలెక్షన్లు డ్రాప్ అయ్యాయి. రెండవ రోజు నుండి కలెక్షన్స్ డ్రాప్ అయ్యాయి అంటే సినిమా పోయింది అని అర్థం. చివరగా రిజల్ట్ అలాగే వచ్చింది. ఆ తర్వాత వేణు శ్రీరామ్ కు నేను చెప్పాను. నువ్వు సినిమా బాగానే తీశావు. కాకపోతే ఈ సినిమా కొంత మంది కి మాత్రమే కనెక్ట్ అయ్యింది. ఎక్కువ శాతం మందికి కనెక్ట్ కాలేదు. అందుకే ఈ సినిమా ప్రేక్షకులను ఆకట్టుకోలేదు. మళ్ళీ మనం ఒక మంచి కథతో అందరికీ కనెక్ట్ అయ్యే సినిమా చేద్దాం అని చెప్పినట్లు తాజా ఇంటర్వ్యూలో భాగంగా దిల్ రాజు తెలియజేశాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

dr

Pulgam Srinivas

10/08/2024 02:22 PM