ఇక అడివిశేష్ తోనే మేజర్ అనే మరో మూవీలో శోభిత ధూళిపాళ నటించింది. సూపర్ స్టార్ మహేష్ బాబు నిర్మించిన ఈ మూవీలో కీలక పాత్రలో కనిపించింది. 2022 జూన్ 3వ తేది విడుదలైన ఈ మూవీతో శోభిత క్రేజ్ అమాంతం పెరిగిందని చెప్పాలి. ఆ తర్వాత హాలీవుడ్‌లో మంకీ మ్యాన్ అనే మూవీలో శోభిత నటించింది. ఇక ఇటీవలే అక్కినేని నాగచైతన్యతో ప్రేమలో పడి పెళ్లికి సిద్ధమైంది. ఈ మధ్యనే శోభిత, నాగచైతన్య ఎంగేజ్‌మెంట్ వేడుకలు జరిగిన సంగతి తెలిసిందే.
మేజర్ మూవీ టైంలో హీరో అడివిశేష్, శోభితతో కలిసి మహేష్ బాబు ఓ ఇంటర్వ్యూ చేశారు. ఆ ఇంటర్వ్యూలో శోభిత తన గురించి కొన్ని ఆసక్తికర విషయాలను తెలిపారు. ఆ ఇంటర్వ్యూలో శోభితను మహేష్ బాబు తన జర్నీ గురించి చెప్పమన్నారు. అయితే శోభిత తడబడకుండా ఇంగ్లీష్‌లో తన జర్నీ విశేషాలను చెప్పడం మొదలుపెట్టింది. వెంటనే మహేష్ బాబు కలగజేసుకుని తెలుగులో మాట్లాడమని కోరాడు. కుదిరితో తన యాసలో మాట్లాడాలని కోరగా ఇక శోభిత తన జీవిత విశేషాలను బయటపెట్టింది. తాను పుట్టింది తెనాలిలో అని, వైజాగ్‌లో పెరిగినట్లు చెప్పుకొచ్చింది. కాలేజీ చదువంతా ముంబైలో జరిగిందని, మిస్ ఇండియా పోటీల్లో కూడా పాల్గొన్నట్లు తెలిపింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి