ఇప్పటి వరకు క్రిష్ సిరీస్ మూవీలలో మూడు భాగాలు రూపొందాయి. ఆ మూడు భాగాలు కూడా అద్భుతమైన విజయాలను అందుకున్నాయి. బాక్స్ ఆఫీస్ దగ్గర భారీ కలెక్షన్లు రాబట్టాయి. తిరుగులేని విజయం సాధించాయి. దీనికి కొనసాగింపుగా నాలుగో పార్టు వస్తుంది. ఈ సినిమా కోసం ఫ్యాన్స్ ఎంతగానో ఎదురుచూస్తున్నారు.క్రిష్4కు సంబంధించిన అప్డేట్ నెట్టింట వైరల్ అవుతుంది. ఈ సినిమా వచ్చే ఏడాది సెట్స్‌ మీదకు వెళ్తుంది. నాలుగో పార్టును హృతిక్ తండ్రి రాకేష్‌ రోషన్ కాకుండా అగ్నిపథ్‌ ఫేం కరణ్ మల్హోత్రా దర్శకత్వం వహించనున్నాడు. సిద్ధార్థ్‌ ఆనంద్‌తో కలిసి రాకేష్‌ రోషన్ అత్యంత భారీ బడ్జెట్‌తో ఈ సినిమాను నిర్మించనున్నారు. ప్రస్తుతం హృతిక్ ఫైటర్‌తో పాటు వార్-2 సినిమాలు చేస్తున్నాడు.ఇదిలావుండగా ఈ ఫ్రాంచైజీలో బాలీవుడ్ బ్యూటీ శ్ర‌ద్ధా కపూర్ భాగం కానున్నట్లు బీటౌన్ టాక్. గ‌తంలో శ్ర‌ద్ధా ఒక ఫోటో సోష‌ల్ మీడియాలో పంచుకుంటూ ‘జాదూ లాంటి ఎండ కావాలి’ అంటూ కామెంట్ పెట్టింది. దీనికి హృతిక్ స్పందిస్తూ.. ‘అత‌ను వ‌స్తున్నాడు – అతనికి చెప్తాను’ అంటూ రిప్లై ఇవ్వడంతో క్రిష్- 4లో శ్ర‌ద్ధా క‌న్ఫామ్ అంటూ కథలు అల్లేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి