తెలుగు సినీ పరిశ్రమలో మంచి గుర్తింపును సంపాదించుకున్న రామ్ పోతినేని ఈ మధ్యకాలంలో వరస అపజాయలను ఎదుర్కొంటున్నాడు. ఈయన ఆఖరుగా ఇస్మార్ట్ శంకర్ మూవీ తో బాక్స్ ఆఫీస్ దగ్గర మంచి విజయాన్ని అందుకున్నాడు. ఈ సినిమా తర్వాత ఈ నటుడు తమిళ దర్శకుడు అయినటువంటి లింగు స్వామి దర్శకత్వంలో రూపొందిన ది వారియర్ అనే సినిమాలో హీరోగా నటించాడు. ఈ మూవీ తెలుగు తో పాటు తమిళ్ లో కూడా ఏక కాలంలో విడుదల అయింది. కాకపోతే ఈ సినిమా బాక్స్ ఆఫీస్ దగ్గర ప్రేక్షకులను ఏమాత్రం ఆకట్టుకోలేదు. ఈ సినిమా తర్వాత ఈ నటుడు బోయపాటి శ్రీను దర్శకత్వంలో రూపొందిన స్కంద అనే సినిమాలో హీరోగా నటించాడు.

ఈ మూవీ ఏకంగా పాన్ ఇండియా మూవీ గా తెలుగు , తమిళ , కన్నడ , మలయాళ , హిందీ భాషలలో విడుదల అయింది. భారీ అంచనాల నడమ విడుదల అయిన ఈ సినిమా కూడా రామ్ కి చేదు అనుభవాన్ని మిగిల్చింది. ఇకపోతే తాజాగా రామ్ , పూరి జగన్నాథ్ దర్శకత్వంలో రూపొందిన డబుల్ ఇస్మార్ట్ అనే సినిమాలో హీరో గా నటించాడు. ఈ మూవీ భారీ అంచనాల నడుమ థియేటర్లలో విడుదల అయింది. ఈ సినిమాకి విడుదల అయిన మొదటి రోజు నెగటివ్ టాక్ వచ్చింది. దానితో ఈ మూవీ కి కలెక్షన్లు చాలా తక్కువగా దక్కుతున్నాయి.

ఇక ప్రస్తుత పరిస్థితులను బట్టి చూస్తే ఈ మూవీ కూడా బాక్స్ ఆఫీస్ దగ్గర రామ్ కి నిరాశనే మిగిల్చే అవకాశాలు కనబడుతున్నాయి. ఇలా ఇప్పటికే దాదాపుగా వరుసగా మూడు అపజయాలను అందుకున్న రామ్ పోతినేని నెక్స్ట్ మూవీ ని హరీష్ శంకర్ దర్శకత్వంలో చేసే అవకాశం ఉంది. ఈ దర్శకుడు తాజాగా మిస్టర్ బచ్చన్ మూవీ ని తెరకెక్కించాడు. ఈ మూవీ కూడా బాక్స్ ఆఫీస్ దగ్గర అపజయం అందుకునే అవకాశాలే ఉన్నాయి. ఇప్పటికే వరస అపజాయలతో ఉన్న రామ్ మరోసారి అపజయం అందుకున్న దర్శకుడికి ఛాన్స్ ఇస్తూ ఉండడంతో ఆయన అభిమానులు డిసప్పాయింట్ అవుతున్నట్లు తెలుస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

19/08/2024 03:48 PM