టాలీవుడ్ స్టార్ హీరోలలో ఒకరు అయినటువంటి జూనియర్ ఎన్టీఆర్ బావమరిది నార్ని నితిన్ గురించి ప్రత్యేక పరిచయం అవసరం లేదు. నార్ని నితిన్ చాలా కాలం క్రితం శతమానం భవతి సినిమాతో అద్భుతమైన విజయాన్ని అందుకొని తెలుగు సినీ పరిశ్రమలో సూపర్ సాలిడ్ క్రేజ్ ను సంపాదించుకున్న సతీష్ వేగేశ్న దర్శకత్వంలో శ్రీ శ్రీ శ్రీ రాజా వారు అనే సినిమాని మొదలు పెట్టాడు. ఇక ఈ సినిమా షూటింగ్ కూడా స్పీడ్ గానే జరిగింది. దానితో ఈ మూవీ తోనే జూనియర్ ఎన్టీఆర్ బావమరిది వెండి తెరకు పరిచయం అవుతాడు అని చాలా మంది అనుకున్నారు.

కాకపోతే ఈ సినిమా ఆ తర్వాత సైడ్ కి వెళ్ళింది. దానితో నితిన్ "మ్యాడ్" అనే మూవీ లో నటించాడు. ఈ మూవీ షూటింగ్ స్పీడ్ గా పూర్తి కావడంతో ఈ మూవీ ఇప్పటికే విడుదల అయ్యి అద్భుతమైన విజయం కూడా అందుకుంది. ఈ సినిమా తర్వాత ఈయన ఆయ్ అనే మూవీ ని ప్రారంభించాడు. ఈ మూవీ కూడా ఆగస్టు 15 వ తేదీన విడుదల అయింది. ఇకపోతే ఆయ్ మూవీ విడుదల సందర్భంగా నితిన్ ఓ ఈవెంట్ లో భాగంగా మాట్లాడుతూ ... నా మొదటి సినిమా ఇక రాకపోవచ్చు. ఆ మూవీ బాగా రాలేదు అని పక్కన పెట్టేసాం అని చెప్పాడు.

ఇకపోతే తాజాగా ఓ వార్త వైరల్ అవుతుంది. శ్రీ శ్రీ శ్రీ రాజా వారు సినిమా ఇప్పటికే పూర్తి అయినట్లు దానితో ఈ సంవత్సరం దసరా పండుగ సందర్భంగా ఈ మూవీ ని థియేటర్లలో విడుదల చేయడానికి ఈ మూవీ బృందం వారు సిద్ధం అవుతున్నట్లు అందుకు సంబంధించిన అధికారిక ప్రకటన కూడా మరి కొన్ని రోజుల్లోనే రాబోతున్నట్లు ఓ వార్త సోషల్ మీడియాలో వైరల్ అవుతుంది. ఇక ప్రస్తుతం నార్ని నితిన్ హీరోగా రూపొందుతున్న సినిమాలు అన్ని మంచి విజయాలు సాధించడంతో శ్రీ శ్రీ శ్రీ రాజా వారు సినిమాపై ప్రేక్షకుల్లో మంచి అంచనాలు నెలకొనే అవకాశాలు చాలా వరకు ఉన్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

narne nithin

Pulgam Srinivas

22/08/2024 01:09 AM