ఓ యంగ్ ప్రొడ్యూసర్ కమ్‌ డిస్ట్రిబ్యూటర్ ఈ సినిమా ఏపీ, తెలంగాణ హోల్సేల్ హక్కులు తీసుకునేందుకు పోటీపడుతున్నట్లు తెలుస్తోంది. కానీ.. అంత రేటు అయితే తాము భరించలేం.. తగ్గించాలని భేరసారాలు నడుపుతున్నారట. రూ.120 కోట్లు అంటే ఆంధ్ర రూ.60 కోట్లకు అమ్మాల్సి ఉంటుంది. నైజాం రూ.45 కోట్లు, సీడెడ్ రూ.15 కోట్ల వరకు ఉండే అవకాశం ఉంది. కానీ.. ఇంత రేటు రావాలంటే సినిమా సూపర్ డూపర్ హిట్ అవ్వాలి. ఇక్కడ ఈ సినిమాకు ఉన్న ఆశలు ఏంటంటే.. సంక్రాంతికి వస్తుంది. పైగా మెగాస్టార్ సినిమా చాలా లాంగ్ గ్యాప్ తర్వాత వస్తుంది.
రెండేళ్ల క్రితం సంక్రాంతికి వచ్చిన వాల్తేరు వీరయ్య, బాలయ్య.. వీరసింహారెడ్డి సినిమాతో పోటీపడి మరి రూ.110 కోట్ల షేర్ సాధించింది. ఇప్పుడు ఆ సినిమా కంటే మరో రూ.10 కోట్లు ఎక్కువగా రూ.120 కోట్లు కావాలని నిర్మాతలు పట్టుబడుతున్నారు. సంక్రాంతి వస్తుంది టికెట్ రేట్లు పెంపు పెద్ద కష్టం కాదు. అందుకే అంత భారీ రేటు అడుగుతున్నారని తెలుస్తోంది. ఇప్పటికే ఈ సినిమా హిందీ డబ్బింగ్ హక్కులు మంచి రేటుకు అమ్మేశారు. ఏది ఏమైనా సంక్రాంతి బాలయ్య సినిమా కూడా పోటీలో ఉంటుంది. చిరంజీవి సినిమాకు రూ.120 కోట్ల షేర్ రావడం అంటే మామూలు రిస్క్ కాదనే చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి