ఐకాన్ స్టార్ అల్లు అర్జున్ ఆఖరుగా పుష్ప పార్ట్ 1 మూవీ తో ప్రేక్షకులను పలకరించి అద్భుతమైన విజయాన్ని అందుకున్నాడు. ఈ సినిమాలోని ఈయన నటనకు గాను నేషనల్ అవార్డు కూడా దక్కింది.ప్రస్తుతం అల్లు అర్జున్ పుష్ప పార్ట్ 2 మూవీ లో హీరో గా నటిస్తున్నాడు. ఈ మూవీ ని డిసెంబర్ 6 వ తేదీన విడుదల చేయబోతున్నట్లు ఈ మూవీ బృందం వారు ఇప్పటికే అధికారికంగా ప్రకటించారు. ప్రస్తుతం ఈ సినిమాకు సంబంధించిన చిత్రీకరణ శరవేగంగా జరుగుతుంది. ఇక మరికొన్ని రోజుల్లోనే ఈ సినిమాకు సంబంధించిన షూటింగ్ ను పూర్తి చేసి దేశ వ్యాప్తంగా ఈ మూవీ యొక్క ప్రమోషన్లను మొదలు పెట్టే ఆలోచనలో ఈ మూవీ బృందం ఉన్నట్టు తెలుస్తుంది. సుకుమార్ దర్శకత్వంలో రూపొందుతున్న ఈ సినిమాలో రష్మిక మందన హీరోయిన్ గా నటిస్తూ ఉండగా మైత్రి సంస్థ వారు ఈ సినిమాను నిర్మిస్తున్నారు.ఇదిలావుండగా ఐకాన్ స్టార్ అల్లు అర్జున్ కుగత కొన్నేళ్లుగా ప్రతి సినిమా రిలీజ్ సమయంలో ఊహించని విధంగా ఇబ్బందులు ఎదురవుతున్నాయి. నా పేరు సూర్య నా ఇల్లు ఇండియా  సినిమా బన్నీ కెరీర్ లో భారీ ఫ్లాప్ గా నిలవగా అల వైకుంఠపురములో  సినిమా నాన్ బాహుబలి ఇండస్ట్రీ హిట్ గా నిలిచినా ఈ సినిమాకు సరిలేరు నీకెవ్వరు  సినిమాతో గట్టి పోటీ ఎదురైంది.

సోలో రిలీజ్ దక్కి ఉంటే అల వైకుంఠపురములో కలెక్షన్లు మరింత పెరిగేవని ఫ్యాన్స్ భావించారు .పుష్ప ది రైజ్  రిలీజ్ సమయంలో టికెట్ రేట్ల సమస్య వల్ల బన్నీ సినిమాకు ఏపీలోని కొన్ని ఏరియాలలో నష్టాలు వచ్చాయి. ఇతర రాష్ట్రాల్లో ఇండస్ట్రీ హిట్ గా నిలిచిన ఈ సినిమా ఏపీలో మాత్రం డిస్ట్రిబ్యూటర్లు, బయ్యర్లకు ఒకింత షాకిచ్చింది. పుష్ప ది రూల్  సినిమా టార్గెట్ 1000 కోట్ల రూపాయలు కాగా ప్రస్తుత పరిస్థితుల్లో ఈ టార్గెట్ ను బన్నీ సాధించడం సులువైన విషయం అయితే కాదు.తెలుగు రాష్ట్రాల్లో ఈ సినిమాకు టికెట్ రేట్ల పెంపు వస్తుందో రాదో కచ్చితంగా చెప్పలేని పరిస్థితి నెలకొంది. పవన్ కళ్యాణ్ ప్రస్తుతం ఏపీ డిప్యూటీ సీఎం కావడంతో ఈ సినిమా విషయంలో ఎలా వ్యవహరిస్తారనే చర్చ సైతం జరుగుతుండటం గమనార్హం. పుష్ప ది రూల్ సినిమా బడ్జెట్ పరంగా అత్యంత భారీ మూవీ అనే సంగతి తెలిసిందే. పుష్ప2 సినిమా సరికొత్త రికార్డ్స్ క్రియేట్ చేయాలని ఫ్యాన్స్ భావిస్తున్నారు. పుష్ప ది రూల్ రిలీజ్ సమయానికి పవన్ బన్నీ మధ్య గ్యాప్ తగ్గి ఈ పరిస్థితి మారుతుందేమో చూడాల్సి ఉంది. మైత్రీ మూవీ మేకర్స్ బ్యానర్ కు సైతం ఈ సినిమా సక్సెస్ సాధించడం కీలకం అనే సంగతి తెలిసిందే. పుష్ప ది రూల్ సినిమా క్లైమాక్స్ సన్నివేశాలు ప్రత్యేకంగా ఉంటాయని బాక్సాఫీస్ వద్ద పుష్ప2 పాజిటివ్ టాక్ ను సొంతం చేసుకోవాలని ఫ్యాన్స్ కోరుకుంటున్నారు. డిసెంబర్ నెల 6వ తేదీన ఈ సినిమా థియేటర్లలో విడుదలవుతోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

socialstars lifestyle

murali krishna

27/08/2024 11:30 PM