తెలుగు హీరో ప్రభాస్ తన కొత్త సినిమా ‘కల్కి 2898 AD’తో మరోసారి ఇండియన్ ఫిలిం ఇండస్ట్రీలో చరిత్ర సృష్టించారు. ఈ సినిమా 1000 కోట్లకు పైగా కలెక్షన్లను వసూలు చేసింది. ఇందులో ప్రభాస్ లుక్కు, క్యారెక్టర్ డైలాగ్ డెలివరీ నెక్స్ట్ లెవెల్ అని చెప్పుకోవచ్చు. అందుకే ఫ్యాన్స్ ఎగబడి మరీ ఈ సినిమాను చూశారు. జూన్ 27న విడుదలైన ఈ సినిమా భారతదేశం వ్యాప్తంగా అన్ని భాషల్లో హిట్ అయింది. ఇంతకు ముందు కొద్ది సినిమాలకు మాత్రమే లభించిన రికార్డులను ఈ సినిమా కూడా సాధించింది.
ప్రభాస్ నటించిన ‘కల్కి 2898 AD’ సినిమా ఇప్పుడు ఓటీటీలో కూడా విడుదల అయ్యింది అంటే దీన్ని థియేటర్ కి వెళ్లాల్సిన అవసరం లేకుండా ఇళ్లలోనే మన ఫోన్‌లు, ల్యాప్‌టాప్‌లలో చూడొచ్చు. ఈ సినిమా ఓటీటీ ప్లాట్‌ఫామ్‌లో ఎప్పుడు విడుదలవుతుందా అని ఫ్యాన్స్ ఎంతగానో వెయిట్ చేశారు. ఆ అభిమానుల నిరీక్షణకు తెరపడింది. రీసెంట్ గానే ఈ సినిమా రిలీజ్ అయింది. సినిమా హాల్‌కి వెళ్లలేకపోయిన చాలామంది ఈ సినిమాను ఇప్పుడు ఇంట్లోనే చూస్తున్నారు. వందల కోట్ల సంఖ్యలో ప్రేక్షకులు ఈ సినిమాని వీక్షిస్తున్నట్లుగా రిపోర్ట్స్ పేర్కొంటున్నాయి. దాంతో ఓటీటీ సెన్సేషనల్ గా ప్రభాస్ మారాడని పేర్కొంటున్నాయి. ఇందులో ప్రభాస్ అద్భుతంగా నటించారని అంతా ప్రశంసిస్తున్నారు. సోషల్ మీడియాలో ఈ సినిమా గురించి చాలా మంచి రివ్యూస్, ఫీడ్ బ్యాక్ చెబుతున్నారు.
‘బాహుబలి’ సినిమాతో ఎంతో పేరు తెచ్చుకున్న ప్రభాస్ తన కొత్త సినిమాలతో కూడా అంతే సక్సెస్ అవుతున్నారు. ఆయన సినిమాలు సినిమా హాల్స్‌లో మాత్రమే కాదు, ఓటీటీ ప్లాట్‌ఫామ్‌లో కూడా బాగా ఆడుతున్నాయి. ఇలా ఆయన ఇండియా మొత్తంలో చాలా పాపులర్ అయిపోయారు. సింపుల్ గా చెప్పాలంటే , ప్రభాస్ ఇప్పుడు ఒక బిగ్ స్టార్ అన్నమాట.
ప్రభాస్ సినిమాల హక్కులు దక్కించుకోవడానికి చాలా ఓటీటీ సంస్థలు ఆసక్తి చూపుతున్నాయి. ఆయన సినిమాల హక్కులను కొనుగోలు చేయడం ద్వారా కోట్ల మంది కొత్త సబ్‌స్క్రైబర్లను పొందవచ్చు అని భావిస్తున్నాయి. ‘కల్కి 2898 AD’ సినిమా ఇందుకు ఒక ఉదాహరణ. ప్రభాస్ సినిమా హాల్‌లో మాత్రమే కాదు, డిజిటల్ ఆడియన్స్‌ను కూడా బాగా ఆకట్టుకుంటున్నారు. అందుకే ఆయన ఇండియా మొత్తంలో చాలా పేరున్న హీరో అయిపోయారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి