రాజమౌళి దర్శకత్వంలో వచ్చిన బాహుబలి, ఆర్‌ఆర్ఆర్‌ మూవీస్ వరల్డ్ వైడ్‌గా భారీ హిట్ అందుకున్నాయి. ఆ సినిమాలకు మించి మహేష్ సినిమా ఉండనుంది. అందుకే మహేష్ బాబుకు అలా గడ్డం పెంచమని రాజమౌళి చెప్పినట్లు ఉన్నాడు. గత కొన్ని నెలలుగా మహేష్ ఫారిన్ టూర్లు వేస్తున్నాడు. అప్పుడప్పుడూ ఎయిర్ పోర్టులో కనిపించే మహేష్ ఈ మధ్య గడ్డంతోనే కనిపిస్తున్నాడు. ఈ మధ్యనే విదేశాలకు వెళ్లి తిరిగొస్తున్న మహేష్ గడ్డంతో కనిపించడంతో ఫ్యాన్స్ అంతా సర్‌ప్రైజ్ అయ్యారు. తాజాగా ఆయన ఫోటోలు సోషల్ మీడియాలో తెగ వైరల్ అవుతున్నాయి.
నెట్టింట మహేష్ బాబు ఓ లేడీ ఫ్యాన్స్‌తో తీసుకున్న ఫోటోలు అందర్నీ ఆకట్టుకుంటున్నాయి. తలపై క్యాప్‌తో మహేష్ బాబు గుబురు గడ్డంతో కనిపిస్తున్నాడు. గడ్డం, మీసాలను ఓ రేంజ్‌లో పెంచి మహేష్ బాబు కనిపించడం ఇదే తొలిసారి కావడంతో ఆయన అభిమానులంతా ఆనందం వ్యక్తం చేస్తున్నారు. ఇన్నాళ్లూ మిల్క్ బాయ్‌గా కనిపించిన మహేష్ బాబును రాజమౌళి ఇలా మార్చేశాడేంటి అంటూ నెటిజన్స్ కామెంట్స్ చేస్తున్నారు. మొత్తానికి మహేష్ లుక్‌ను చూసి సోషల్ మీడియాలో జోరుగా చర్చ జరుగుతోంది. త్వరలోనే మహేష్ మూవీకి సంబంధించి రాజమౌళి అప్డేట్ ఇవ్వనున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి