తెలుగు సినీ ప్రేక్షకులకు నాని అంటే ప్రత్యేకమైన అనుబంధం. కొంచెం రొమాంటిక్, కొంచెం కామెడీ పాత్రలతో అభిమానులను అలరించిన నాని తన నటనతో ప్రేక్షకులను ఎప్పుడూ ఆశ్చర్యపరుస్తూనే ఉంటాడు. తాజాగా విడుదలైన తన సినిమాతో  నాచురల్ స్టార్ నాని తనలోని మాస్ హీరోను మరోసారి బయటపెట్టాడు. దర్శకుడు వివేక్ ఆత్రేయ తెరకెక్కించిన సాలిడ్ యాక్షన్ డ్రామా “సరిపోదా శనివారం” లో నాని హీరోగా యంగ్ హీరోయిన్ ప్రియాంక మోహన్ హీరోయిన్ గా నటించింది.  ఇక రిలీజ్ అయిన వన్ డే లో నే ఈ సినిమా భారీ విజయాన్ని అందుకుంది. నాని కెరీర్ లో మాస్ సినిమాలకి ఉండే ఇంపాక్ట్ ని మరోసారి

 చూపించాడు అని చెప్పాలి. ఇది ఇలా ఉంటే ఒక్క యూఎస్ మార్కెట్ లోనే కాకుండా వరల్డ్ వైడ్ గా మరోసారి భారీ వసూళ్లని నాని అందుకున్నాడు. కాగా తన కెరీర్ లోనే రెండో సారి హైయెస్ట్ ఓపెనింగ్స్ ని అందుకున్నట్టుగా ఇప్పుడు తెలుస్తుంది. పి.ఆర్ నంబర్స్ ప్రకారం సరిపోదా శనివారం సినిమా ఏకంగా 25 కోట్ల మేర గ్రాస్ ని అందుకున్నట్టుగా ఇప్పుడు తెలుస్తుంది. కాగా దసరా సినిమా తర్వాత  నాని కెరీర్ లో మరో భారీ ఓపెనింగ్స్ గా సరిపోదా శనివారం సినిమా నిలిచింది అని చెప్పాలి.  నాని చేస్తున్న సినిమాల్లో మాస్ సినిమాల తాలూకా ఇంపాక్ట్ చాలా గట్టిగా ఉందని మరోసారి ప్రూవ్ చేసుకున్నాడు ఈ నాచురల్ స్టార్.

ఇకపోతే సినిమా విడుదలైనప్పటి నుండి ప్రేక్షకుల నుండి అద్భుతమైన స్పందన లభిస్తోంది. సోషల్ మీడియాలో నాని యాక్టింగ్, యాక్షన్ సీన్స్, కథ గురించి ప్రశంసలు వెల్లువెత్తుతున్నాయి. ఈ సినిమా విజయంతో నాని కెరీర్‌లో మరో మైలురాయిగా నిలిచింది. భవిష్యత్తులో నాని మరిన్ని మాస్ సినిమాలలో నటించాలని ప్రేక్షకులు ఆశిస్తున్నారు. ఇక నాని చేయబోయే నెక్స్ట్ సినిమాలు ఎలా ఉంటాయో చూడాలని అభిమానులు ఆసక్తిగా ఎదురు చూస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

tollywood

Anilkumar

30/08/2024 05:20 PM