ప్రపంచవ్యాప్తంగా వ్యాపారం, కళలలో రాణిస్తోన్న టాప్ 50 మంది భారతీయుల లిస్ట్‌ను బిజినెస్ స్టాండర్ట్ పత్రిక రిలీజ్ చేసింది. ఆ లిస్ట్‌లో కళారంగం నుంచి సత్యజిత్ రే, ఏఆర్ రెహ్మాన్, తన్వీషా, రసూల్ పోకుట్టి, గుల్జార్, శంకర్ మహదేవన్ వంటి దిగ్గజాలు ఉన్నారు. వీరే కాకుండా టాలీవుడ్ నుంచి చంద్రబోస్, ఎంఎం కీరవాణి పేరు కూడా వినిపించాయి. టాప్ 50లో 33వ స్థానంలో ఏఆర్ రెహ్మాన్ ఉన్నారు. అలాగే 35వ స్థానంలో కీరవాణి-చంద్రబోస్ తమ పేర్లను పదిలపరుచుకున్నారు. 1992లో లైఫ్ టైమ్ అఛీవ్‌మెంట్ అవార్డు అందుకున్న భారతీయ ఫిలింమేకర్‌గా సత్యజిత్ రే పేరు అలా నిలిచిపోయింది.

ఇండియన్ సినిమాకు అసాధారణ సేవలు అందించిన సత్యజిత్ రే గురించి బిజినెస్ స్టాండర్డ్ తన మ్యాగజైన్‌లో గొప్పగా రాసుకొచ్చింది. అలాగే మొజార్ట్ ఆఫ్ మద్రాస్ మూవీతో భారీ ఫ్యాన్స్‌ను తన సొంతం చేసుకున్న ఏఆర్ రెహ్మాన్ కూడా స్లమ్ డాగ్ మిలియనీర్ మూవీతో రెండు ఆస్కార్ అవార్డులను సొంతం చేసుకున్నాడు. గ్లోబల్ సినిమాలో సత్తా చాటిన ఆయనకు కూడా మ్యాగజైన్‌లో చోటు దక్కింది. ఇకపోతే ఎంఎం కీరవాణి, చంద్రబోస్ లకు కూడా అదే గౌరవం దక్కింది. వీరిద్దరూ తెలుగు సినిమాకు ఎంతో గౌరవాన్ని పెంచారు.

దర్శకుడు రాజమౌళి తీసిన ఆర్ఆర్ఆర్ లో నాటు నాటు పాటకు గ్లోబల్ వైడ్ మంచి రెస్పాన్స్ వచ్చింది. ఈ పాట ఒరిజినల్ మ్యూజిక్ కేటగిరీలో ఆస్కార్ అందుకుంది. ప్రపంచ దేశాల్లో ఈ పాట అందరికీ కనెక్ట్ అయ్యింది. అందుకే టాప్ 50 మంది జాబితాలో వారిద్దరి పేర్లు వినిపిస్తున్నాయి. ఇకపోతే ఈ జాబితాలో భారతీయ అమెరికన్ అయిన సాఫ్ట్ వేర్ ఇంజినీర్, ట్విటర్ సీఈవోగా పనిచేసిన 40 ఏళ్ల అగర్వాల్ పేరు మొదటి స్థానంలో నిలవడం విశేషం. అలాగే ఈ మ్యాగజైన్ జాబితాలో గూగుల్ సీఈవో సుందర్ పిచాయ్, జాకీర్ హుస్సేన్, రవిశంకర్, అరుంధతి రాయ్, కిరణ్ దేశాయ్, గునీత్ మోంగా వంటివారు పేర్లు ఉన్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Telugu celebrities

Suma Kallamadi

31/08/2024 01:15 PM