తెలుగు సినీ పరిశ్రమలో సీనియర్ స్టార్ హీరోలలో ఒకరు అయినటువంటి నందమూరి నట సింహం బాలకృష్ణ తన కెరియర్లో ఎన్నో బ్లాక్ బాస్టర్ , ఇండస్ట్రీ హిట్ మూవీలలో హీరోగా నటించాడు. ఇకపోతే బాలకృష్ణ , బి.గోపాల్ దర్శకత్వంలో ఐదు సినిమాలలో హీరోగా నటించాడు. అందులో రెండు మూవీలు భారీ బ్లాక్ బాస్టర్ విజయాలను అందుకోగా , మరో రెండు సినిమాలు టాలీవుడ్ ఇండస్ట్రీ హిట్ లను అందుకున్నాయి. వీరి కాంబోలో రూపొందిన ఒకే ఒక సినిమా బాక్స్ ఆఫీస్ దగ్గర ఫెయిల్యూర్ అందుకుంది. మరి వీరి కాంబోలో రూపొందిన సినిమాలు ఏవి ..? అవి ఏ స్థాయి విజయాలను అందుకున్నాయి అనే వివరాలను తెలుసుకుందాం.

బాలకృష్ణ బి.గోపాల్ కాంబినేషన్లో మొదటగా లారీ డ్రైవర్ అనే మూవీ రూపొందింది. ఈ మూవీలో విజయశాంతి హీరోయిన్గా నటించింది. ఈ మూవీ అద్భుతమైన విజయాన్ని అందుకుంది. ఈ సినిమా 1990వ సంవత్సరం విడుదల అయింది.

ఈ సినిమా తర్వాత వీరి కాంబినేషన్లో రౌడీ ఇన్స్పెక్టర్ అనే సినిమా రూపొందింది. ఈ మూవీలో బాలయ్యకు జోడిగా విజయశాంతి హీరోయిన్గా నటించింది. ఈ సినిమా 1992 వ సంవత్సరం విడుదల అయ్యి అదిరిపోయే రేంజ్ బ్లాక్ బస్టర్ విజయాన్ని అందుకుంది.

ఈ మూవీ తర్వాత వీరిద్దరి కాంబోలో సమరసింహారెడ్డి అనే సినిమా రూపొందింది. ఈ మూవీలో సిమ్రాన్ , అంజలి జావేరి బాలయ్యకు జోడిగా నటించారు. 1999 వ సంవత్సరం విడుదల అయిన ఈ సినిమా టాలీవుడ్ ఇండస్ట్రీ హిట్ గా నిలిచింది.

ఈ మూవీ తర్వాత వీరిద్దరి కాంబోలో నరసింహ నాయుడు మూవీ రూపొందింది. సిమ్రాన్ , ప్రీతి జింగ్యాని ఈ సినిమాలో హీరోయిన్లుగా నటించారు. 2001 వ సంవత్సరం విడుదల అయిన ఈ సినిమా కూడా టాలీవుడ్ ఇండస్ట్రీ హిట్ గా నిలిచింది.

ఈ మూవీ తర్వాత వీరిద్దరి కాంబోలో పలనాటి బ్రహ్మనాయుడు అనే మూవీ రూపొందింది. ఈ సినిమాలో ఆర్తి అగర్వాల్, సిమ్రాన్ హీరోయిన్లుగా నటించారు. ఈ మూవీ బాక్స్ ఆఫీస్ దగ్గర బోల్తా కొట్టింది.

ఇలా బాలయ్య , బి గోపాల్ కాంబోలో రూపొందిన సినిమాలలో లారీ డ్రైవర్ , రౌడీ ఇన్స్పెక్టర్ మూవీలు భారీ బ్లాక్ బాస్టర్ విజయాలను అందుకోగా , సమరసింహా రెడ్డి , నరసింహ నాయుడు మూవీలు ఇండస్ట్రీ హిట్ లుగా నిలిచాయి. పలనాటి బ్రహ్మనాయుడు మూవీ బాక్స్ ఆఫీస్ దగ్గర ఫెయిల్యూర్ అయింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

01/09/2024 09:07 AM