కోలీవుడ్ ఇండస్ట్రీలో స్టార్ హీరోలలో ఒకరు అయినటువంటి దళపతి విజయ్ గురించి ప్రత్యేక పరిచయం అవసరం లేదు. ఈయన ఆఖరుగా లోకేష్ కనకరాజు దర్శకత్వంలో రూపొందిన లియో అనే స్టైలిష్ యాక్షన్ ఎంటర్టైనర్ మూవీ లో హీరోగా నటించాడు. ఈ మూవీ భారీ అంచనాల నడుమ విడుదల అయ్యి బాక్స్ ఆఫీస్ దగ్గర అద్భుతమైన విజయాన్ని సొంతం చేసుకుంది. ఈ సినిమా తర్వాత విజయ్ , వెంకట్ ప్రభు దర్శకత్వంలో ది గొట్ అనే సినిమాను ప్రారంభించాడు. ఈ సినిమాకు సంబంధించిన షూటింగ్ చాలా రోజుల క్రితమే పూర్తి అయింది. ఈ సినిమాను కూడా సెప్టెంబర్ 5 వ తేదీన విడుదల చేయనున్నారు.

ఈ మూవీ విడుదల తేదీ దగ్గర పడడంతో ఈ మూవీ బృందం ప్రస్తుతం వరుస ఇంటర్వ్యూ లలో , టీవీ షో లలో పాల్గొంటూ ఈ సినిమాను బాగా ప్రచారం చేస్తున్నారు. ఇక ఈ సినిమాను తమిళ్ తో పాటు తెలుగులో కూడా విడుదల చేయనున్నారు. తమిళ ఇండస్ట్రీ లో ఈ సినిమాపై భారీ అంచనాలు నెలకొని ఉండగా , తెలుగు ఇండస్ట్రీ లో మాత్రం ఈ సినిమాపై పెద్ద స్థాయిలో అంచనాలు ఏమీ లేవు. ఈ మూవీ విడుదల అయిన తర్వాత మంచి టాక్ ను తెచ్చుకుంటే ఈ సినిమాకు రెండు తెలుగు రాష్ట్రాల్లో భారీ కలెక్షన్లు వచ్చే అవకాశం ఉంది. ఇకపోతే తాజాగా ఈ మూవీ దర్శకుడు అయినటువంటి వెంకట్ ప్రభు ఓ ఇంటర్వ్యూ లో పాల్గొన్నాడు.

అందులో భాగంగా ఈయన ఈ సినిమాకు సంబంధించిన ఎన్నో ఆసక్తికరమైన విషయాలను తెలియజేశాడు. వెంకట్ ప్రభు తాజా ఇంటర్వ్యూలో భాగంగా మాట్లాడుతూ ... ఈ మూవీ ని మొదట కమల్ హాసన్ , ధనుష్ లతో చేయాలి అనుకున్నాను. కానీ ఆ తర్వాత కాని ది ఏజింగ్ టెక్నాలజీని ఉపయోగించి ఒకే నటుడి తో రెండు పాత్రలు చేయించాలి అని నిర్ణయించుకున్నాను. అందులో భాగంగానే విజయ్ ని ఎంచుకున్నాను అని వెంకట్ ప్రభు తాజా ఇంటర్వ్యూ లో భాగంగా తెలియజేశాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

MADDIBOINA AJAY KUMAR

03/09/2024 04:05 PM