వాస్తవానికి ఐకాన్ స్టార్ అల్లు అర్జున్ తమిళ దర్శకుడు అట్లీ తో సినిమా చేస్తాడు అన్న ప్రచారం గత కొంతకాలంగా చాల వేగంగా జరుగుతోంది. ప్రముఖ నిర్మాణ సంస్థ సన్ మూవీస్ ఈమూవీని పాన్ ఇండియా స్థాయిలో చాల భారీ స్థాయిలో తీయడానికి ఇప్పటికే ప్రణాళికలు కూడ వేసింది. అయితే అట్లీ చెప్పిన కథ బన్నీకి పూర్తిగా నచ్చకపోవడంతో అట్లీ తన మనసు మార్చుకుని బాలీవుడ్ హీరో సల్మాన్ ఖాన్ వాయిపు అడుగులు వేస్తున్నట్లు వార్తలు వస్తున్నాయి.
ఈ మూవీలో మరో కీలకపాత్రలో కమలహాసన్ కూడ నటించబోతున్నాడని టాక్. దీనితో అల్లు అర్జున్ అట్లీ మూవీ ప్రాజెక్ట్ ఇక ఉండకపోవచ్చు అన్న గాసిప్పులు మొదలయ్యాయి. దీనితో ఇప్పుడు మళ్ళీ బన్నీ యూటర్న్ తీసుకుని త్రివిక్రమ్ శ్రీనివాస్ వైపు అడుగులు వేయడం ఖాయం అని అంటున్నారు. తెలుస్తున్న సమాచారం వైపు త్రివిక్రమ్ బన్నీని దృష్టిలో పెట్టుకుని ఒక సోషియో ఫ్యాంటసీ కథ వ్రాశాడనీ ఇప్పుడు ఆకథకు ఫైనల్ స్క్రిప్ట్ వర్క్ జరుగుతోంది అని అంటున్నారు.
వాస్తవానికి బన్నీ సందీప్ వంగాల కాంబినేషన్ లో ఒక మూవీ రావడానికి రంగం సిద్ధం అయినప్పటికీ సందీప్ వంగా చెప్పిన కథ బన్నీకి పూర్తిగా నచ్చలేదు అన్న గాసిప్పులు కూడ వినిపిస్తున్నాయి. ఇలాంటి పరిస్థితులలో అల్లు అర్జున్ కు త్రివిక్రమ్ శ్రీనివాస్ తో సినిమా చేయడం తప్ప మరొక మార్గం ప్రస్తుతానికి లేదు అన్న కామెంట్స్ కూడ ఉన్నాయి అనుకోవాలి..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి