పవర్ స్టార్ పవన్ కళ్యాణ్ గురించి ప్రత్యేకంగా పరిచయం చేయాల్సిన అవసరం లేదు. ఈయన ఇప్పటివరకు ఎన్నో బ్లాక్ బస్టర్ సినిమాలలోని హీరోగా నటించి టాలీవుడ్ ఇండస్ట్రీలో స్టార్ హీరోలలో ఒకరిగా కెరియర్ను కొనసాగిస్తున్నాడు. ఇకపోతే పవన్ కళ్యాణ్ కు కొన్ని సంవత్సరాల క్రితం వరుసగా అపజయాలు వచ్చాయి. అలాంటి సమయంలో పవన్ కళ్యాణ్ "గబ్బర్ సింగ్" అనే సినిమాలో హీరోగా నటించాడు. పక్కా కమర్షియల్ ఎంటర్టైనర్ మూవీ గా రూపొందిన ఈ సినిమా బాక్స్ ఆఫీస్ దగ్గర సూపర్ సక్సెస్ అయ్యింది.

ఈ సినిమా హిందీలో బ్లాక్ బాస్టర్ విజయం అందుకున్న దబాంగ్ అనే మూవీ కి అధికారిక రీమేక్ గా రూపొందింది. ఈ మూవీ దబాంగ్ సినిమాకి అధికారిక రీమేక్ అయినప్పటికీ ఈ సినిమా కథ , కథనంలో అనేక మార్పులు , చేర్పులను చేశారు. గబ్బర్ సింగ్ మూవీ కి హరీష్ శంకర్ దర్శకత్వం వహించగా ... రాక్ స్టార్ దేవి శ్రీ ప్రసాద్ ఈ మూవీ కి సంగీతం అందించాడు. బండ్ల గణేష్ ఈ మూవీ ని అత్యంత భారీ బడ్జెట్ తో నిర్మించాడు. ఇకపోతే ఆ సమయంలో సూపర్ సక్సెస్ అయిన ఈ సినిమాను ఈ సంవత్సరం పవన్ కళ్యాణ్ పుట్టిన రోజు సందర్భంగా సెప్టెంబర్ 2 కే తేదీన ప్రపంచ వ్యాప్తంగా రీ రిలీజ్ చేశారు.

ఈ మూవీ రీ రిలీజ్ లో భాగంగా కొన్ని ఏరియాల్లో సరికొత్త రికార్డులను సృష్టించింది. ఈ మూవీ సీడెడ్ ఏరియాలో సరికొత్త రికార్డును సృష్టించింది. గబ్బర్ సింగ్ మూవీ రీ రిలీజ్ లో భాగంగా సీడెడ్ ఏరియాలో మొదటి రోజు 81 లక్షల కలెక్షన్లను వసూలు చేసింది. ఇంతవరకు సీడెడ్ ఏరియాలో రీ రిలీజ్ లో భాగంగా ఏ సినిమా కూడా ఇన్ని కలక్షన్లను వసూలు చేయలేదు. దానితో ఈ మూవీ మొదటి రోజు సీడెడ్ ఏరియాలో అత్యధిక కలెక్షన్లను వసూలు చేసిన రీ రిలీస్ మూవీలలో నెంబర్ వన్ స్థానంలో నిలిచి సరికొత్త రికార్డును సృష్టించింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pawan

Pulgam Srinivas

04/09/2024 01:35 PM