పాన్ ఇండియా స్టార్ హీరో ప్రభాస్ గురించి.... అతని ఫ్యాన్ ఫాలోయింగ్ గురించి ప్రత్యేకంగా చెప్పనవసరం లేదు. ఈశ్వర్ సినిమాతో తెలుగు ప్రేక్షకులకు పరిచయమైన ప్రభాస్ ఆ సినిమా అనంతరం వరుసగా సినిమాలు చేసుకుంటూ స్టార్ హీరోగా రాణిస్తున్నారు. బాహుబలి సినిమాతో ప్రభాస్ క్రేజ్ దేశవ్యాప్తంగా మార్మోగిపోయింది. ఆ సినిమా తర్వాత బాహుబలి 2 సినిమా ప్రభాస్ రేంజ్ ను మరింత పెంచేసింది.
ఈ సినిమా అనంతరం ప్రభాస్ చేసేవన్నీ పాన్ ఇండియా సినిమాలే కావడం విశేషం. అయితే మొదటగా ప్రభాస్ కు మంచి స్టార్ ఇమేజ్ తెచ్చిన సినిమా ఏది అంటే ప్రతి ఒక్కరూ చెప్పే పేరు వర్షం. ఈ సినిమాకు ఎంఎస్ రాజు నిర్మాతగా వ్యవహరించగా.... శోభన్ దర్శకత్వం వహించాడు. ఈ సినిమాలో ప్రభాస్ సరసన త్రిష హీరోయిన్ గా నటించింది. ఈ సినిమా వసూళ్ల పరంగా భారీ విజయాన్ని సొంతం చేసుకుంది.
ఈ సినిమాలో ప్రభాస్, త్రిష కెమిస్ట్రీ ప్రేక్షకులను ఎంతగానో ఆకట్టుకున్నాయి. అయితే మొదటగా ఈ సినిమాలో ప్రభాస్ కన్నా ముందుగా మరొక హీరోని అనుకున్నారట. ఆ హీరో మరెవరో కాదు సూపర్ స్టార్ మహేష్ బాబు అని సమాచారం. దర్శకుడు శోభన్ ఈ సినిమా కథను ముందుగా మహేష్ బాబు కోసం సిద్ధం చేసుకున్నారట. అయితే శోభన్ ఈ కథను మహేష్ బాబుకు వివరించగా అతను సున్నితంగా తిరస్కరించారట.
ఈ సినిమా స్టోరీ విన్న మహేష్ బాబు దీనికి నేను సెట్ కాను అని సున్నితంగా రిజెక్ట్ చేశారు. దాంతో ఈ సినిమా కథను ప్రభాస్ కు వినిపించగా వెంటనే ఓకే చెప్పాడట. ఇక ఈ సినిమాలో గోపీచంద్ విలన్ గా నటించి ఎంతగానో మెప్పించారు. ప్రభాస్ కెరియర్ లోనే బిగ్గెస్ట్ హిట్ చిత్రాలలో వర్షం సినిమా ఒకటి. ఈ సినిమా అనంతరం ప్రభాస్, గోపీచంద్ మంచి స్నేహితులు అయ్యారు. ఇప్పటికీ వారి ఫ్రెండ్షిప్ అలానే కొనసాగుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి