ఈ మూవీ అనౌన్స్ చేసే సందర్భంగా మోక్షజ్ఞ ఫస్ట్ లుక్ కూడా విడుదల చేశారు. ఇందులో ఈ నందమూరి తనయుడు చాలా స్మార్ట్, హ్యాండ్సమ్ గా కనిపించి అమ్మాయిల హృదయాలు దోచేశాడు. మోక్షు గతంలో కొద్దిగా బొద్దుగా ఉండేవాడు కానీ ఈ లుక్‌లో చాలా అట్రాక్టివ్ గా ఉండటంతో కేక ఉన్నావు బ్రదర్ అంటూ చాలామంది కామెంట్లు చేస్తున్నారు. ఈ సినిమాలో కొత్త హీరోయిన్ ని తీసుకుంటారా లేదంటే ఆల్రెడీ సక్సెస్ అయిన యంగ్ హీరోయిన్‌ను సెలెక్ట్ చేసుకుంటారా అనేది తెలియాల్సి ఉంది.
మూవీ జానర్ ఏంటో కూడా ఇంకా రివీల్ చేయలేదు. టైటిల్ అనౌన్స్ చేస్తే అప్పుడు మూవీ ఎలాంటిదో అర్థమయిపోతుంది. మ్యూజిక్ డైరెక్టర్ ఎవరు ఇందులో బాలకృష్ణ ఏమైనా గెస్ట్ రోల్ చేస్తారా అనేది కూడా ఆసక్తికరంగా మారింది. ఇలాంటి ఎన్నో డౌట్ తెరపైకి వస్తున్న నేపథ్యంలో మోక్షజ్ఞకు సంబంధించిన ఒక ఆసక్తికరమైన విషయం బయటపడింది. డైరెక్టర్ ప్రశాంత్ వర్మ ఈ నందమూరి వారసుడికి పుట్టిన రోజు శుభాకాంక్షలు తెలుపుతూ సోషల్ మీడియాలో ఓ పోస్ట్ షేర్ చేశాడు. అందులో మోక్షజ్ఞ ఫుల్ నేమ్ వెల్లడించాడు.
డైరెక్టర్ ప్రశాంత్ వర్మ ట్వీట్‌లో ‘నందమూరి తారక రామ మోక్షజ్ఞ తేజ’కు జన్మదిన శుభాకాంక్షలు అంటూ తెలిపాడు. ఆ పోస్ట్ చూసిన వారందరూ మోక్షజ్ఞ పేరులో తాతయ్య తారక రామ పేరు కూడా ఉంది అని తెలుసుకొని చాలా హ్యాపీగా ఫీల్ అయిపోతున్నారు. యంగ్ టైగర్ ఎన్టీఆర్ పేరులో కూడా నందమూరి తారక రామారావు పేరు ఉంది. ఆయన సూపర్ హీరో అయ్యారు ఇప్పుడు బాలయ్య బాబు కుమారుడు కూడా అలాగే పెద్ద స్టార్ హీరో అయిపోతాడు అని నందమూరి అభిమానులు విశ్వాసం వ్యక్తం చేస్తున్నారు. ఈ https://x.com/PrasanthVarma/status/1831921862609154407 లింకుపై క్లిక్ చేస్తే ప్రశాంత్ వర్మ ట్వీట్ చూడవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి