మెగా పవర్ స్టార్ రామ్ చరణ్ ప్రస్తుతం గేమ్ చేంజర్ అనే సినిమాలో హీరోగా నటిస్తున్న విషయం మన అందరికీ తెలిసిందే. ఈ మూవీ కి దేశం గర్వించదగ్గ గొప్ప దర్శకులలో ఒకరు అయినటువంటి శంకర్ దర్శకత్వం వహిస్తూ ఉండగా ... శ్రీ వెంకటేశ్వర క్రియేషన్స్ బ్యానర్ పై అత్యంత భారీ బడ్జెట్ తో ఎంతో ప్రతిష్టాత్మకంగా దిల్ రాజు ఈ సినిమాను నిర్మిస్తున్నాడు. ఇప్పటికే ఈ సినిమాకు సంబంధించిన షూటింగ్ ఆల్మోస్ట్ కంప్లీట్ అయినట్లు తెలుస్తోంది. ప్రస్తుతం ఈ సినిమాకు సంబంధించిన పనులు శరవేగంగా జరుగుతున్నట్లు సమాచారం. ఈ మూవీ ని ఈ సంవత్సరం డిసెంబర్ నెలలో విడుదల చేయనున్నట్లు ఈ చిత్ర బృందం ఇప్పటికే అధికారికంగా ప్రకటించింది.

ఈ సినిమాలో చరణ్ కి జోడిగా కియర అద్వానీ నటిస్తూ ఉండగా ... తమన్ ఈ మూవీ కి సంగీతం అందిస్తున్నాడు. ఎస్ జె సూర్య విలన్ పాత్రలో కనిపించనున్న ఈ మూవీ లో అంజలి , సునీల్ , శ్రీకాంత్ , నవీన్ చంద్ర ముఖ్య పాత్రలో కనిపించబోతున్నారు. ఇకపోతే ఒక సెంటిమెంట్ ద్వారా ఈ సినిమా బ్లాక్ బస్టర్ అవుతుంది అని మెగా ఫ్యాన్స్ నమ్ముతున్నారు. అదేమిటి అనే వివరాలను తెలుసుకుందాం. ఈ మూవీ బృందం ఈ సంవత్సరం వినాయక చవితి సందర్భంగా ఈ మూవీ నుండి ఓ పోస్టర్ను విడుదల చేసింది. ఆ పోస్టర్లో చరణ్ తలకి ఒక ఎర్ర కండువాను కట్టుకొని కనిపించాడు. ఇది వరకు మెగాస్టార్ చిరంజీవి హీరోగా రూపొందిన ముఠామేస్త్రి సినిమాలో కూడా చిరంజీవి తన తలకు ఎర్ర కండువాను కట్టుకొని కొన్ని సన్నివేశాలలో కనిపిస్తాడు.

ఆ సినిమా బ్లాక్ బాస్టర్ విజయాన్ని అందుకుంది. చరణ్ , బాబాయి అయినటువంటి పవన్ కళ్యాణ్ గబ్బర్ సింగ్ మూవీ లో తలకు ఎర్ర కండువాను కట్టుకొని కొన్ని సన్నివేశాలలో కనిపిస్తాడు. ఆ సినిమా కూడా బ్లాక్ బాస్టర్ విజయం అందుకుంది. దానితో మెగా ఫ్యాన్స్ అంతా కూడా ఓ వైపు చిరంజీవి , మరో వైపు పవన్ కళ్యాణ్ ఎర్ర కండువాను తలకు కట్టుకున్న సినిమాలతో బ్లాక్ బస్టర్ విజయాలను అందుకున్నాడు. ఇక చరణ్ కూడా గేమ్ చేంజర్ మూవీలో తలకు ఎర్ర కండువాను కట్టుకున్నాడు. ఈ మూవీ కూడా బ్లాక్ బస్టర్ విజయం అందుకుంటుంది అని మెగా ఫ్యాన్స్ ఆశాభావాన్ని వ్యక్తం చేస్తూ వస్తున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Charan

MADDIBOINA AJAY KUMAR

09/09/2024 02:20 PM