ఇప్పుడు విశ్వంభర ఓటీటీ హక్కుల విషయంలో నిర్మాతలు కోట్ చేసిన అమౌంట్‌ను ఇవ్వడానికి ఓటీటీ సంస్థలు ఆలోచనలో పడ్డారని తెలుస్తోంది. మెగాస్టార్ చిరంజీవి హీరోగా వశిష్ట మల్లిడి దర్శకత్వంలో యూవీ క్రియేషన్స్‌ సంస్థ ఈ సినిమాను నిర్మిస్తోంది. సినిమా నిర్మాణ వ్యయం పెరగడంతో విశ్వంభర హక్కుల కోసం పోటీపడుతున్న ఓటీటీ సంస్థలకు నిర్మాతలు అత్యధిక అమౌంట్‌ను కోట్ చేశారు.అయితే నిర్మాతలు ఆశిస్తున్న దానిలో సగం ధరకే ఓటీటీ సంస్థలు విశ్వంభర హక్కులు తీసుకోవడానికి మొగ్గు చూపుతున్నారని సమాచారం. ఓటీటీ సంస్థలు ఇచ్చినా ఆఫర్‌ చూసి నిర్మాతలు మా సినిమాను ఇంత తక్కువకు అడగడం ఏమిటి అని ఆశ్చర్యపోతున్నారని తెలుస్తోంది. అయితే ఒకప్పుడు ఓటీటీ హక్కుల కోసం పోటీ పడిన సంస్థలు ఇప్పుడు కాస్త స్పీడును తగ్గిస్తూ.. ఓటీటీ రైట్స్‌ విషయంలో అచితూచి వెళ్లడమే అందుకు కారణమని తెలుస్తోంది..సరైన డీల్ వచ్చే వరకు ఓటీటీ బిజినెస్ ని క్లోజ్ చేయరు నిర్మాతలు.ఓటీటీ బిజినెస్ అయ్యే వరకు థియేట్రికల్ రిలీజ్ ఉండదు, అంటే ఈ సినిమా సంక్రాంతికి రావడం కష్టమే అని ట్రేడ్ పండితులు చెప్తున్న మాట. మరి ఏమి జరగబోతుందో తెలియాలంటే మరికొద్ది రోజులు ఆగాల్సిందే. ఇది ఇలా ఉండగా ఈ సినిమాలో హీరోయిన్ గా త్రిష నటిస్తుండగా, ‘నా సామి రంగ’ హీరోయిన్ ఆషికా రంగనాథ్ ముఖ్య పాత్ర పోషిస్తుంది. అలాగే సురభి, ఇషా చావ్లా వంటి వారు ఈ సినిమాలో చిరంజీవి కి చెల్లెళ్లుగా నటించబోతున్నారు. ఆస్కార్ అవార్డు గ్రహీత ఏంఏం కీరవాణి ఈ సినిమాకి సంగీతం అందిస్తున్నాడు. మెగాస్టార్ కెరీర్ లోనే అత్యంత రిచెస్ట్ చిత్రంగా ఈ సినిమా ఉండబోతుందని టాక్. త్వరలోనే టీజర్ విడుదలయ్యే అవకాశం ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి